重新學習做人的第一步 －禮儀

學佛初階首課開始了。踏足法鼓山第一感覺是舒服，美觀，佛像莊嚴，義工親切，法師威儀自然流露。

開始接觸佛經時，沒有注意威儀這一項。在禪修營時，近距離發現法師們一舉一動就是不一樣，很有style，很有氣場！那種氣定神閒，非凡氣度不是走路慢就能裝出來，有點像英女皇那種氣質，但又不完全是，就是說不出是什麼，後來才知道那是威儀。衍空法師當然威儀十足，但我懷疑那是有一些先入為主的感覺，不夠客觀（畢竟我看了他不少的youtube，mp3，書和講座）。幾位法師之中，衍秀法師給我的印像很深刻，我會不自覺地被注意她在禪堂的一舉一動，也發心要努力學習。

說回今天的佛學班。義工們的關心和微笑真係由心出發！！！法師的開示深入淺出，教佛教徒的基本衣著及禮儀，如合十，問訊，操手，禮佛，海青如何穿脫等等。眾多動作，我全部都極度喜歡，覺得非常自然及令自已很開心。教完後，法師介紹了晚課，可惜不夠時間做晚課，真是可惜！

不過說起來，為什麼學佛的大都是女眾？禪修營的小參也有差不多的情形。真是奇怪！想起以前學攝影也一樣，只有女學員。似乎女性較喜歡classroom training! 看佛經我真係more prefer 睇書。看書可以完全投入之中，充滿喜悅。

下次見到法師，長輩和其他善知識，我會懂怎樣合十了！ :D

很快便會皈依了，我要更加努力，快些學習！開始看法華經，努力！！！

如果一天有一主題的話，今天的主題無疑是死亡。

今天本來很早四點多便起了床，在做了一會兒禪修後我太累了，再睡一下，怎料睡過頭了。起床後便快快出門，坐的士。

今天等的士特別多人，差不多廿人。一上車，的士司機便問駕駛路線，並言語問明示大涌橋路是唯一可取的路線。我是沒所謂，但見他言語間有些怨氣，便跟他談談。司機說曾載一家大小從機場出來到香港仔，女乘客說要問先生行走路線，並要求走紅隧，司機馬上不悅，並心想，你想慢？好呀，咪慢囉。一家人出外旅行駛費都過萬啦，那的士費用多少少也不怪吧？還說另一個乘客試過北角出發，一個多小時也不能到紅磡火車站，朋友也不等他了。

司機言語問充滿怨氣，對以前坐過的乘客的路線選擇並不太尊重，遇上不合作的乘客並“故意”駛慢d。我對他坦言，覺得乘客提供路線並無不妥，不需要想太多，這樣想做人太不快樂了，大家開開心心不就好嗎？

司機呆了一下，嘆氣說人生有什麼好開心。我想最近我信佛了，覺得心情充滿喜悅，信佛是單純一個因緣，感謝衍空法師的教誨。衍空法師非常風趣，我也上了他的“如何面對死亡”講座，他是一個很受歡迎的法師云云。

司機：佛？我不信
我：為什麼？
司機：我冇得救了。
我：不會呀，人人也可以的！我有緣跟你說，就証明你也可以呀。
司機：你聽過星雲法師嗎？

跟住司機訴說他的故事。原來他之前金融風暴時所有股票，樓都沒了，欠人很多債，已經拿尼龍繩，幾乎想到山邊自殺了。大慨差不多時候之前，有個出家人坐他的車，自稱星雲法師的徒弟，上車不久便跟他說，我給你這個護身符防身。司機問他，我有事？法師說，我不可以說太多，你帶住啦，會保你平安。那護身符像鼻煙壺一樣大小，從出家人的頸鍊中除下來。

當然他最後沒有死掉，否則我便不會坐他的車了。

我沒有時間問他，那是什麼令你生存下來？到公司了，我下車了。司機有跟我說再見，還多謝我和他談天。

上班時，有位同事說她明天要請假，她的一位親人快不行了，在深切治療部留醫，可能會往生。我跟她說，會為她的親人念經。其實我咩經都唔識，淨係知道心經，我諗得卦。

下班時在巴士上，司機的故事，當我靜下來時，回想很多遍。我忽然覺得，我所有的正能量都被吸走了。自已是不是很驕傲呢，還是過份沉醉於快樂呢，而忽略世間的苦？那位司機面對的是實在的苦，生命究竟是什麼呢？是什麼程度的苦，令人忍不住，想去尋死呢？我和司機屏水相逢，但已經可以想像當時的他一定非常痛苦，何況是當時人？去聽衍空法師的“如何面對死亡”講座，我是根本沒有真正聽進心裡，是當成笑話聽而已！雖然這不是我想的，但我感到很慚愧。我太幸福了，我太笨了，根本不明白苦，所以根本沒有把法師的開示聽懂。

回家後，我忽然想起我以前飼養過的倉鼠們。有兩隻倉鼠印象特別深刻，一隻是小斑，一隻是蝦餃。

小斑是領養的，灰白色的，她很乖，很可愛。大慨一年後，忽然有一天她生了個腫瘤。我帶她去大圍去看獸醫，醫生說，她太小了，不可以做手術，會很快死，只給我一些藥，問我想帶她回家還是一支毒針幫她安落死，我說想帶她回家。她的腫瘤一天比一天大，如果用人的比例，後來就如籃球一樣大。我明白她有一天會離開我，而且會很快。有一天晚上，我如常用手抱小斑出來，她很乖，比平日留在我手上更長時間，就連平常她最討厭的剪指界也很順利完成。我們愉快地過了20分鐘。

第二天早上，我發現小斑往生了。我不敢相信，我以為她是睡著了。她的形態和睡著一樣，但身子涼了，也硬了。我唯有把她放到一早準備好的心形禮物小盒子，放到垃圾桶內。

蝦餃是買回來的，因為我掛念小斑，所以特選一隻和小斑一樣品種的灰白小倉鼠。在買蝦餃回來三四個月後，我留意到她的背部彎曲，像企不直一樣。我帶她去獸醫看。獸醫說，她天生有問題，背部應該很痛，建議幫她安落死。我晴天霹雳，沒想到是這麼嚴重。我問可不可以醫，我願意給多一些的錢，幾千元是沒問題的，我不想幫她安落死。但那個外國人的獸醫有點勞氣地說，你不應該讓她這麼痛苦。當時我真的決定不了，我說要想一會兒，於是我到出面等。最後，我決定了，我不想她桶苦，決定幫她離開這個世界。護士問我要看過程嗎？我不願意，我不想看著她離開這個世界。一會兒，護士出來，說她往生了，然後讓我付診金。雖然已過了六，七年，但當時的畫面，我還清楚記得。護士說診金是＄330，毒針是＄10。我當時很痛苦，蝦餃的生命是＄10？我不停地哭，一邊哭一邊離開診所，把空的籠子在巴士站旁的垃圾桶丟了。當天是12月23日，但我一點聖誕的快樂心情都沒有了。因為，是我把蝦餃殺了，令她離開了這個世界。我懷著極沉重的心情上班。當時我告訴自已，我不要再養寵物了，她的一生就這樣過了，我不能給她幸福。

兩隻相處時間不是很長的寵物，我都handle不了。甚至連只見30分鐘的士司機的故事，都令我不開心。我實在想像不了，當我的死亡來臨時，當我媽媽死亡來臨時，我會怎樣。

襌修營之旅

禪修營的體驗，是遠超越我的期望。那份平安和喜悅，是無比的快活，讓我不自覺地流淚。這次的體驗深深震憾了我的內心，讓我覺得要重新出發。我不是佛教徒，我沒有宗教信仰，所以會提出一些西方哲學家的問題，但衍空法師的慈悲，讓我打從心底開始受教及折服。

回程的路上，在的士上，同修”Auntie”和顏悅色地說，我和黃愷蔚是積了很多的福，才可以聽到空師的開示。我覺得她說得很對。雖然我不知是什麼的福，但真的很幸運。回想起來，我先是喜歡黃子華，再看哲學書，再去開始想人生的課題。也在同時間，工作不快樂，想找寄托，買了一台相機去學攝影，再去了西藏，見了這麼多佛像後再找上youtube找蓮花生大士，再去聽聖嚴法師，淨空法師的youtube介紹，再去看空師的講座。跟著也是因為舅父介紹佛門網，再去看温暖人間，才知道這個講座。我能夠知道有這一個禪修營，再幸運抽中可以參加，是很多因緣才生成，很感恩。

就在上這個禪修前的一天，上了公司工作的一個半天課程，是為了學 development plan，令我同下屬吹水時比較入戲。開宗明義第一個練習是，每人寫自已的strength。不知自已的strength，又怎去幫自已提升weakness? 我想來想去都寫不出，只寫到一個十幾年前的achievement，讀大學時的programming contest，仲要係安慰獎第11名。我不禁問自已，我這十幾年的生活是空白的嗎？對呀，我是失去了人生的目標，工作的動力。就好似黃子華講，讀左書你先知你識得少。我就係讀左大學以為自已電腦好OK，但出左黎做野5，6年先知自已識得唔夠多，唔applicable in real life。試問，人生有幾多個十年？

或許這是上天給我的一個答案。在development plan course的之後一天，我入禪修營了，這個問題在上禪修之後得到了答案。
第一天 10分鐘坐禪已經不成
第二天坐禪每15分鐘要休息
第三天坐禪可以30分鐘才休息，而且半背有熱氣。行禪也很有感覺。
第四天晚上我在坐禪中忽然有喜悅的淚水，也第一次能坐完45分鐘不覺得很累
第五天再一次可以坐完45分鐘，跟衍空法師談話我明白了很多，也明白自已知道得很少，也明白只有真定有智慧的人就會有好的人緣。我完全不用費力，就找到我的下一個目標。想到這裡，我很感恩，回家後我跟媽媽說要皈依。

很感激這次旅程的義工，他們都在我們睡覺時，五點幾就到禪堂準備。那些人都是很美很善的人，我感到這個世界很美。

回家再找了衍空法師的佛學mbs poster介紹，他提到”dream of sustainable happiness in inner heart during childhood”，所以海報是一個卡通女孩坐在月亮上，很有fantasy的意味。他說得很對，maybe it’s just a dream that we can never attain。對我來說，他這番話就好像John Lennon的Imagine或give peace a chance一樣，人人識唱但這個utopia又不存在。但真實和虛幻，和最終目的地可能不是最重要，過程留下的腳印卻是此刻深刻和可以感受到的。

P.S. 我回到家吃了肉但有做zen meditation

Facebook的出現令我忘記了blog.

該忘的都忘了. 不重要的更加忘了.

Blog彷佛和過氣等同. 在你可以在twitter寫一句的時候, 為什麼要花時間寫一大段文字? 既浪費自己光陰, 又沒有人會"認同". 多無聊的status, "Another brilliant day!", "OMG it's friday!", "Love you girls..." 無論幾癈話, 幾煩, 幾無知, 都有人like.

無可否認, 今晚心情麻麻地. 所以記起了blog.

兩年來我在問自己的問題, 今晚忽然有了答案. 問題是什麼不重要. 重要是答案找到了.

可以這樣說. 今天晚上, 我很失望. 一個人失望有很多原因, 可以係賭錢輸左, 冇中到六合彩, 千變萬化的理由. 對我來說, 今天晚上, 我認清一個事實. 相信人是正確的嗎? 我以為我看得很對. 原來錯的很! 看到的是表面的, 流言的卻是真實的.

我不禁問自己, 為什麼有些人可以這麼假? 怕俾人知就唔好做! 做人要光明磊落. 如果這個世界有上帝, 衪是不會憐憫這種人的! 就像約翰連儂兒時的畫一樣, 天堂的大門會鎖上.

信仰倒下後, 今天晚上我告訴自己一件事. 做人最緊要要對得住自己. 我就只是一個為了吃飯, 麻木自己的人嗎? 是不是因為我不是弱者, 扮蠢, 扮可憐, 所以沒有優待? 是不是我不願意講白痴野, 就被邊緣化? 別人的眼光這麼重要嗎? 我為什麼而活?

我不應該追尋這樣的生活. 我不應該再活在任何人的陰影之下.

香港核心價值

曾蔭權實在過份!

抄自wiki, 香港核心價值 是指 "自由民主、人權法治、公平公義、和平仁愛、誠信透明、多元包容、尊重個人、恪守專業"

八十後究竟違背了那一項呢?

可愛之天國

近日忙於執野搬屋. 大包小包的垃圾一大堆. 煩到死呀!!!

d電腦書多到... 我都唔知有冇睇過入面的1/10.

最驚喜係搵番以前買落果d舊CD, 舊文具. 點解我當年會買咁多Ricky Martin!? 韓劇CD都一大堆!!! 文具入面有我的至愛 "可愛之天國", 以前買極多佢的牛牛產品. 搬屋真係好無奈, 絕大部分都係要冇得留低.

principio dei cassett

今日在公司望了又望信箱, 忽然想起這個. Wiki的圖很可愛, 鴿子都肥嘟嘟的! 讀書時好像沒學過generalization的公式!!!

忽然想起某個伊索寓言, 故事教訓沒自由的鴿子不應該生仔.

* ~ * ~ * ~ * ~ * ~ * ~ * ~ * ~ * ~ * ~ * ~ * ~
今朝開始了看絕代雙驕第二本, 因為第一本不見了.

有冇online版可以睇番第一本?

* ~ * ~ * ~ * ~ * ~ * ~ * ~ * ~ * ~ * ~ * ~ * ~
可能偏心, 但總覺靜茹的版本好聽!



original:


* ~ * ~ * ~ * ~ * ~ * ~ * ~ * ~ * ~ * ~ * ~ * ~
上星期到Clinique買左好多產品. 個sales話, 我仲差1500分積分. 天呀! 我已經咁努力...仲差1500分? 5000分....足足要買10支night cream, 或者25支大支庄clarifying lotion, 或者28支粉底, 或者55支mascara....正常人有乜可能一年用咁多野? 我toilet仲有Clinique兩大盒soap及eye makeup remover的失敗戰利品... 諗起就覺得浪費金錢啦

有你在

忽然地想起這首歌. 曾經, 現在也是, 非常令我感動的一首歌! ;>

很自然的, 會想起讀書時候的事和那個人. ;D



* ~ * ~ * ~ * ~ * ~ * ~ * ~ * ~ * ~ * ~
我還是下不了決心cut有線. 用了十幾年, 真係好有感情. 唉!!!

今日有線派人換了解碼器. 新解碼器有好似數碼電視一樣的TV guide功能, 好正丫!

天燈

今天晚上, 這首歌在我腦海迴盪著. 林夕的詞和靜茹是多麼完美的配搭!!

暗戀的明燈 一路上如煙火隨身
寧願那想像的情人 永遠 保溫
美夢別成真 讓我夢醒不留疤痕
我的天空裡 有他眼神 他體溫

歌聲伴我心 Les Choristes

剛剛看了一套幾年前的法國電影 Les Choristes, 超好看!!!!! 這種戲荷里活是找不到的~~~ 超感人的. 其實男主角的獨唱異常吸引~~

一Search之下, 原來係佢!!! 之前睇過的一段片, 但個陣唔知佢係套戲的男主角!

超好聽!

無意中找到這首歌. 令人感動的歌聲!

Do u feel the same?

最近心情超級捧! 吃東西吃多了, 早點睡覺, 人變得胖胖的.... 哈!

最近經常會笑~ 我覺得主要原因可能係:
1. 栗子很好味 --- 我在公司吃了很多.
2. 剛過了聖誕節 --- 很多人放假, 上司也是. 沒時間給工作我做.
3. 魚魚的新碟很好聽.

以往我參加朋友的聚會, 總會覺得納悶, 想快點離開. 但過去一年我會很樂意參與. 這是我對自己過去一年很滿意的地方.

另外, 我覺得我靚左! (純綷我覺得...)

^_____^

點都好啦! 我終於找到一點滿意自己的地方. 我會努力再發掘.

~~ 新 年 快 樂 ~ ~！！！

有誰共鳴

相信有很多人和我一樣, 在每個工作天的早上, 都會覺得很難起床! :P 但在半夢半醒之間, 不知有幾多人和我一樣, 收聽著一個個嘉賓娓娓道來自己的故事, 而一次又一次被感動.

這個節目逢星期一至五早上6時在商台播放. 每天會邀請一個嘉賓上節目, 分享他/她的經歷, 生活體驗, 個人哲理. 就像一般talk show一樣, 中間會加插嘉賓自選的樂曲. 另外嘉賓會鼓勵聽眾以send SMS形式, 捐出$5給矛本地的慈善機構. 巧合地, SMS正跟節目的英文名字Share My Song非常match!

我是因為賴床, 才買個收音機鬧鐘的. 但, 過去幾年我經常清醒地卻又賴在床, 堅持收聽完嘉賓的故事和悅耳樂曲才願起床上班!!! @_@"

自從我居住附近的太和商場裝修後, 我已經很少去商務書店了. 前日在書店逛一圈, 感到很新鮮! 一口氣掃了4本書.

其中一本便是《有誰共鳴》 -- 節目的名稱. 基本上我喵了一下, 在半秒之間我已經決定買了. 我實在太想重温電台節目的故事了. 買本書仲有著數 --> 有私家password可以重温節目曾播過的金曲.

我推介的故事: 陳易希, 周凱旋, 施永青, 劉兆璋. 劉兆璋的故事和所選樂曲很有意思, 很值得看. 基本上, 她的聲音和當天在電台上的廣播, 還是歷歷在目.

聖誕老人經過鳥巢!!!

假期開始

今天正式展開兩星期長假的序幕! 由於CFA考試臨近, 理論上我應該很努力地讀書. 但理想還理想, 哈哈, 我邊會咁乖! 一邊重讀"挪威的森林", 一邊看舊電視劇, 然後又做點家務, 再吃一個下午茶.

看來明天開始要再去library努力了!!!

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *

下午時看到匯豐裁員的新聞. 因為早有心理準備, 也不是感到很吃驚. 但心裡總是不太好受. 心裡不期然在想, "下一個會是我嗎?" 逛了一逛discuss.com.hk的forum, 有很多post說人工怎低, 找工怎難, 甚至勞工署有5千蚊請programmer返六日工每日10小時的工.

有點時光倒流, 回到我剛畢業時SARS時的環境, 到處都是裁員, 減人手的時候. 真令人唏噓! 希望未有工作的朋友順利找到理想的工作!

剛過了一個平靜的生日 ;) 生日看演唱會的確不錯!!!

最近生活不是十分如意~ 少了一個朋友, 生日那週病了, 工作環境因金融環境不濟而轉壞, 電腦CPU給我弄壞掉...到現時為止, 心情還好的! ;D 可能是病病地, 感覺遲鈍了, 心情反而好些, 沒有發脾氣! XD

愈來愈喜歡每週的雞尾酒實習班. 暫時最喜歡Scottish Whiskey + Ginger Ale + Lemon ;> 好好飲!

Everlasting melodies

This song just pops into my mind! ;)


Playing Bohemian Rhapsody all night again!!!!! Truee Legend!!!!!!

我有精神病!!!

耐唔耐蘋果的兩岸國際版, 就會出一兩篇上網成癮的報導, 講d青少年, 宅男, 乾物女, 隱閉青年, etc點樣斬阿爸阿媽死都要上網. 我一向都skip呢類文章, 因為通常個ending都冇乜意思, 只係得個講字.

今日蘋果又有一篇啦, 我仔細閱讀, 發現我有好多網癮的病徵!!! 可以講係百分百精神病.

====BEGIN QUOTE======
*** Copyright AppleDaily.com.hk Original article link here

網 癮 列 精 神 病
病 徵 ： 每 日 上 網 逾 6 小 時

「唔 係 呀 嘛 ， 一 日 上 網 超 過 6 個 鐘 ， 就 係 患 精 神 病 ？ 」 冇 錯 ， 內 地 正 式 將 網 癮 列 入 精神 病 範 疇 ， 其 中 將 上 班 時 間 外 每 日 上 網 超 過 6 個 小 時 ， 列 為 病 徵 。 難 怪 引 起 各 地 網民 嘩 然 ： 「 我 們 都 成 精 神 病 了 ！ 」

可 導 致 自 卑 　 社 交 恐 懼 症


由北 京 軍 區 總 醫 院 制 訂 的 中 國 首 個 《 網 絡 成 癮 診 斷 標 準 》 已 通 過 專 家 論 證 ， 玩 遊 戲 成癮 被 正 式 納 入 精 神 病 診 斷 範 疇 。 該 醫 院 經 過 四 年 臨 床 實 踐 與 研 究 ， 定 出 了 對 患 者 的診 斷 、 治 療 、 干 預 和 預 防 方 法 。
何 謂 網 絡 成 癮 呢 ？ 該 院 的 醫 學 成 癮 科 主 任 陶然 稱 ， 主 要 臨 床 症 狀 ， 是 對 網 絡 的 渴 求 ， 戒 斷 後 有 強 烈 反 應 ， 非 工 作 原 因 每 日 上 網逾 6 小 時 。(有丫, 日日6小時!!!) 而 玩 遊 戲 成 癮 的 患 者 中 ， 以 沉 迷 玩 《 魔 獸 世 界 》 的 人 居 多 ， 很 多 人 甚 至分 不 開 現 實 與 網 上 世 界 。(同意!!! 我經常會同friend係msn講: 我逢星期六日的下午要去山洞殺妖怪!)
網 癮 是 一 種 精 神 行 為 障 礙 ， 可 以 導 致 內 向 、 自 卑 ，甚 至 社 交 恐 懼 症 ； 亦 會 出 現 與 人 對 抗 的 心 理 等 。(講到有d誇張!!! 乜野叫做與人對抗的心理? 覺得其他人係人型的怪物?) 有 調 查 指 ， 近 年 全 國 有 約 400 萬 網癮 少 年 無 法 自 拔 ， 因 網 癮 死 去 的 青 少 年 估 計 有 數 百 人 。但唔因為網癮而死的, 都唔少wor...當1000人, 除番13億人...即係0.00076%
據 報 ， 網 癮 在 全 國 各地 引 發 種 種 社 會 問 題 ， 導 致 青 少 年 犯 罪 率 上 升 。 山 東 青 少 年 犯 罪 70% 與 網 癮 有 關 ，北 京 這 個 數 字 更 升 到 90% 。好想知佢點統計番來, 做問卷? 同埋香港有冇咁的figure! 有 人 因 沒 錢 上 網 而 殺 人 。 冇錢買衫我都想殺人! 不 過 ， 陶 然 強 調 ， 網 癮 有 得 醫， 一 般 治 療 3 個 月 時 間 ， 80% 患 者 都 可 以 擺 脫 癮 病 。用咩做美沙銅呢, PSP?
...
===End quote===

篇文未完, 但奈何太眼訓, 同埋內容太無聊, 所以唔想再睇落去

>_< 電腦開唔到!

好黑仔丫.... 部PC個mon或者display card壞左丫!!! 初部估係monitor死左, 聽日買過個新mon先可以証實o岩唔o岩....

都好ge...我個mon得15", d色又唔係咁sharp. 成日想換過個大少少的mon, 但都堅持唔換, 因為冇爛冇穿. 好啦而家大條道理換19"啦!

而家用緊部eeepc. eeepc入面除左firefox同msn, 真係乜都冇!!! 無得用PC, 攪到冇歌聽, 日的子好難捱!!!!!!

好在呢個世界有youtube!!! 用youtube頂住先!!

好悅耳的歌, 加上我好鍾意聽R&B~~~ :> 兩個version比較之下我鍾意韓文version的男仔部分多d!

There is no sin except stupidity

"There is no sin except stupidity" -- Oscar Wilde

今日, 我又上了一課. 為什麼我要這麼容易相信別人? 我不是7歲, 不是17歲. 就好比那些買千年蟲藥的阿婆, 我依然傻傻的相信別人. 那些阿婆做錯了什麼? 一個字--笨! 我也一樣. 也對, 我的確和阿米巴變型蟲有點似, 用顯微鏡放到極大, 都找不到腦袋.

真是巧合, 今天我在圖書館借了一本書, 叫『增廣賢文』. 這本書有點像中國版的伊索寓言, 結合了中國人做人處世的智慧. 有些理論可能有點過時了, 但始終有不錯的參考價值. 當年讀大學時, 通識課程中國文化課的老師提過這本書, 我一直記在心中. ;)

1.

逢人且說三分話，未可全拋一片心。
有意栽花花不發，無心插柳柳成蔭。
畫虎畫皮難畫骨，知人知面不知心。

意思大致是, 與人說話慎重而所保留, 只說三分, 即使很喜歡他也不能把自己內心世界全部表露出來。在人際交往中最常犯的錯誤就是和別人交往的親近度把握不好, 不是過於疏遠就是過去親近。就像種花一樣, 推心置腹, 以心換心, 卻往往一廂情願或上當受騙。最後一句有點其怪, 意思是, 了解一個人能了解他的表面, 卻難以了解他的內心。

News quote

匯控股價跌破九十大元...看來,隨時都會再炒人...是時候準備一下了 >_<

看到一則愛民村派免費粥予長者的新聞, 感到很温暖, 令我想起SARS時經濟不景氣的日子. 香港人, 會否因為這個困難時間而反而更團結呢?

= ~ = ~ = ~ = ~ = ~ = ~ = ~ = ~ = ~ = ~ = ~ = ~ = ~ = ~ = ~ = ~

抄自《蘋果日報》2008年10月24日 『心 靈 滿 足 活 得 比 李 嘉 誠 快 樂』

「 人 為 善 ， 福 雖 未 至， 禍 已 遠 離 。 人 為 惡 ， 禍 雖 未 至 ， 福 已 遠 離 。 」 這 張 黏 滿 煙 油 的 座 右 銘 ， 貼 在 李 松興 的 粥 檔 牆 壁 ， 一 直 提 醒 他 ， 過 去 受 人 恩 惠 ， 今 日 該 多 行 善 ， 知 恩 圖 報 。 他 感 到 有如 活 在 天 上 人 間 ， 比 李 嘉 誠 父 子 活 得 快 樂 。
56 歲 的 李 松 興 回 想 小 時 候 在 獅 子山 下 長 大 ， 住 在 九 龍 城 獅 子 石 道 的 天 台 鐵 皮 屋 ， 遇 上 颱 風 溫 黛 襲 港 吹 毀 家 園 。 小 學的 同 學 們 ， 一 分 一 毫 籌 了 90 元 捐 助 給 他 的 家 人 。
李 松 興 憶 述 童 年 時 ， 在 大 牌 檔 打 工 的 叔 叔 ， 煮 油 炸 鬼 失 火 被 活 活 燒 死 ， 他 心 一 直 存 陰 影 ， 長 大 後 寧 願 當 的 士 司 機 。

受 人 恩 德 數 之 不 盡

但 命 運 好 像 注 定 了 ， 1986 年 ， 李 松 興 的 家 族 接 手 經 營 愛 民 的 粥 檔 ， 92 年 粥 檔 受 火 警 波 及 燒 毀 ， 同 萍 水 相 逢 的 校 服 店 李 姓 老 闆 二 話 不 說 ， 妻 女 拿 50 萬 元 給 他 應 急 。 每 年 農 曆 年 前 還 給 他 送 錢 ， 怕 他 沒 錢 出 雙 糧 給 夥 計 。 他 忙 於 幹 活 的 日 子 ， 有 經 常 光 顧 粥 檔 的 師 主 動 替 他 兩 名 兒 子 補 習 。
這些 善 心 人 的 恩 德 數 之 不 盡 ， 潛 移 默 化 下 ， 他 也 受 到 感 染 。 20 多 年 前 駛 的 士 義 載 長者 到 油 麻 地 診 所 覆 診 ， 沒 想 過 與 朋 友 隨 手 買 了 張 六 合 彩 ， 中 獎 贏 了 11,000 元 。 去年 與 朋 友 合 資 購 買 的 士 ， 翌 日 朋 友 縮 沙 ， 之 後 接 獲 皇 冠 車 行 通 知 ， 他 獨 中 了 價 值 15 萬 元 的 「 黃 金 大 獎 」 。 他 掏 出 一 條 五 重 的 金 條 ， 說 已 賣 了 一 條 套 現 ， 派 免 費 粥 回 饋 長 者 。
他 說 ， 看 見 老 人 家 吃 粥 後 ， 露 出 金 牙 銀 牙 ， 帶 笑 臉 回 家 ， 倍 感 開 懷 。 比 起 有 一 次 他 「 拉 衫 尾 」 到 清 水 灣 俱 樂 部 游 泳 ， 看 到 愁 眉 深 鎖 的 電 盈 主 席 李 澤 楷 ， 長 者 們 都 活 得 更 快 樂 。 本 報 記 者

;) eeepc

買左啦買左啦! ;) 10寸mon, 80G HDD, 1G ram~~~ ;>

今日去左沙田一轉, 買左超多野....好誇張丫~~~~ 冇左一大截人工!!!! 我的壞毛病又回來了. 股市跌(HSBC < $100!!! China Mobile $60... v_v), 我的心情一樣向下沉, 於是買野買野....總係買唔等駛的野~~~ >_< 淨係Clinique都買左7樣野....

好在朋友好快來到~~~ 我終於可以停止買野!!! ;> 實在萬分感謝, 山長水遠來陪我買eeepc~ ;)

Am I happy?

最近我問自己一個簡單的問題: "Am I happy?"

我一直以來認為, 要快樂很容易. 只要把要求不停降低, 容易一點"pass", 有點"得過且過", 那便達到.

要求降低了. 對工作, 對家人, 對朋友都是.

最近才明白, 其實真的不容易. 什麼是理想? 實現不到的, 才是理想嘛! 勉強要求別人, 不如自我檢討一下, 改變一下. 不是所有事, 所有人, 都在自己控制下.

上個月有幾天, 我忽然情緒失控, 有超失落的感覺, 就像世界末日. 我的樣子, 就像畫了個大大的 ":("面具掛在面上. 詳細情形就不說了. 事實上, 我也沒有告訴任何人發生了什麼事. 可幸的是, 我請了一天假, 稍作休息後便無事了.

有時我都有點怪自己. 自己的問題都不會整理, 還閒著去管別人的事. 關心別人, 倒不如關心一下自己. 老實說, 我也try過, 撒手不管. 但可能真是性格問題, 又或是什麼理由, 總要管著別人的事. 連別人的秘密也要守, 生怕自己直腸直肚的性格, 一下子把別人的私隱也嘰哩咕嚕的說了. 唉, 腦袋愈來愈不清閒了...

舊電腦

最近脫離了線上電玩遊戲《魔獸世界》. 突然間謄出很多時間, 我可以和朋友聊聊天, 看看新聞, 甚至呆一會兒, 或是在這兒打一下博客.

怎麼說呢, 是很突然的決定. 這遊戲根本是慢性毒藥. 下這個決定, 如戒毒一樣, 有點痛苦, 但並不一定很難.

我厭倦了每個週末循環不息的raid. 每次和朋友說起周末的活動, 告訴別人我躲在家中, 做一隻魔法師, 打怪物? 總有種莫名的感覺--厭惡自己! 像做了種錯事一樣. 很倦. 再加上某些原因, 是時候了.

因為這個離開決定, 前兩天, 我終於有時間(!!!)打開舊電腦, 檢回舊硬碟找回一些舊檔案.

這些舊檔案, 不是很重要, 因為沒有它們我一樣活的好好. 但少了它們, 就像少了回憶的一部分. 首先是相片. 兒時的, 畢業時的照片, 全部都在. 看見當時的自己, 我真是老了很多!!! >_<

然後是很多mp3. 我發覺原來我以前不會聽廣東歌. ;) 口味怪得很!

:D Vitas * 2

要mp3可以MSN問我 :D 我買左Vitas隻碟

宅男Vitas!!! 笑死我!!!! 扮得幾似!!!


:D :D 正版Vitas

Don't Write Me Off -- Hugh Grant

It's never been easy for me
To find words that go along with a melody
But this time there's actually something on my mind
So please forgive these few brief awkward lines

Since I met you my whole life has changed
It's not just my furniture you've re-arranged
I was living in the past but somehow you've brought me back
And I haven't felt like this since before Frankie said relax

And now I know based on my track record
I might not seem like the safest bet
All I'm asking you is
don't write me off, just yet

For years I've been telling myself the same old story
That I'm happy to live off my so-called former glories
But you've given me a reason to take another chance
Now I need you despite the fact that you've killed all my plants

And now I know that i've already blown more chances
then anyone should ever get
All I'm asking you is
don't write me off, just yet

Don't write me off, just yet

Way Back Into Love

Way Back Into Love lyrics

[Verse 1]
(Drew Barrymore)
I've been living with a shadow overhead,
I've been sleeping with a cloud above my bed,
I've been lonely for so long,
Trapped in the past,
I just can't seem to move on!

(Hugh Grant)
I've been hiding all my hopes and dreams away,
Just in case I ever need them again someday,
I've been setting aside time,
To clear a little space in the corners of my mind!

[Chorus]
(Both)
All I want to do is find a way back into love.
I can't make it through without a way back into love.
Oooooh.

[Verse 2]
(Drew Barrymore)
I've been watching but the stars refuse to shine,
I've been searching but i just don't see the signs,
I know that it's out there,
There's got to be something for my soul somewhere!

(Hugh Grant)
I've been looking for someone to shed some light,
Not somebody just to get me through the night,
I could use some direction,
And I'm open to your suggestions.

[Chorus]
(Both)
All I want to do is find a way back into love.
I can't make it through without a way back into love.
And if I open my heart again,
I guess I'm hoping you'll be there for me in the end!

[Middle-eight]
(Drew Barrymore)
There are moments when I don't know if it's real
Or if anybody feels the way I feel
I need inspiration
Not just another negotiation

[Chorus]
(Both)
All I want to do is find a way back into love,
I can't make it through without a way back into love,
And if I open my heart to you,
I'm hoping you'll show me what to do,
And if you help me to start again,
You know that I'll be there for you in the end!

Whiter shade of pale!

今日突然想起這首超有意思的歌, 整晚播著同一首歌. 而家好少歌, 會細說一個故事~ 好值得回味的歌 ;>

Lyrics

We skipped the light fandango
turned cartwheels 'cross the floor
I was feeling kinda seasick
but the crowd called out for more
The room was humming harder
as the ceiling flew away
When we called out for another drink
the waiter brought a tray

And so it was that later
as the miller told his tale
that her face, at first just ghostly,
turned a whiter shade of pale

She said, 'There is no reason
and the truth is plain to see.'
But I wandered through my playing cards
and would not let her be
one of sixteen vestal virgins
who were leaving for the coast
and although my eyes were open
they might have just as well've been closed

She said, 'I'm home on shore leave,'
though in truth we were at sea
so I took her by the looking glass
and forced her to agree
saying, 'You must be the mermaid
who took Neptune for a ride.'
But she smiled at me so sadly
that my anger straightway died

If music be the food of love
then laughter is its queen
and likewise if behind is in front
then dirt in truth is clean
My mouth by then like cardboard
seemed to slip straight through my head
So we crash-dived straightway quickly
and attacked the ocean bed

My financial plan!!!

係咪俾個title呃左來睇我個post呢....哈哈! 係咪以為我轉性, 竟然係blog post私人資料? 我梗唔會post啦.

可能年紀大左, 開始worried future. 其實由今年農曆新年開始, 我不時諗, 如果我去左, 咁上左年紀的媽媽點算. Actually我對自己唔太擔心, 如果真係失業, 我even倒垃圾都唔介意做. 掉轉講, touch wood媽媽有咩事, 我亦可以養自己. 但係我真係擔心如果我死左, 我媽媽會點呢? Life insurance囉..

由上星期三起, 我一連四日weekday約見financial planner. 為左方便, 我約係公司下面個food court. 連續食四晚food court, 晚晚同我講埋d "touch wood...." 都幾煩厭架!!!! 但為左將來, 我忍.

可能我係老土怪, 之前真係好抗拒financial planner. 尤其係sell人壽, 因為食水奇深, 基本上投保一年的保費(甚至更多!)全入agent個袋. 咁大的利益衝突, 我好難相信佢真心係為我將來計劃....個agent為佢該個月quota計劃就差唔多! But anyway, 如果我要買life insurance, 咁邊個agent都食水深架啦, 梗係找個相熟的.

咁橋, 同事有個friend介紹佢個新入行agent朋友. 憑我觀察所得, 同事應該冇幫佢買保險, 而呢個agent亦同我同事唔太熟. 唔緊要, 照聽下... 我一連兩日見佢, 但佢表現冇乜進步. 如果financial planner只係做d咁的野, 我覺得唔train我都可以做. 傾左5個鐘都冇conclusion, 我唔覺佢有咩advise我. 坦白講, 有d失望.

見完初哥agent後, 我再約我媽媽買開的agent. 嘩呢個professional好多, 都唔駛點諗, 上星期五傾完今日就簽單了. 而且幾開心添.

不過簽個陣就唔太開心, 因為我覺得個agent迫我太信任佢. 佢要求我係張空白的"保單update資料申請表"上面簽名, 仲話once有改基金組合的網上密碼後, 可以俾埋佢. 張"保單update form"表係白紙...嘩改埋受益人都得啦! 雖然我唔覺佢係咁的人, 但我堅持唔肯簽白紙. Actually張表佢填少少就叫我簽名我都唔太happy啦, 不過算啦, 起碼仲有張正式保單. 但白紙我就死都唔簽啦. 密碼...我真係唔明點解要俾佢.... 我係電腦人, 叫我俾密碼其他人我真係好抗拒.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *
上星期終於開始睇CFA的notes啦. 睇左...5頁紙 @_@ 0.000000001% 其實自己衰, 成日個心態係---我唔係為考試而讀書, fail亦冇所謂, 亦打算fail. Well呢個心態令我毫無推動力. 加上成日掛住打機... 唉

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *
話說上星期打機(World of Warcraft)打boss, 打到有血有淚. 隻Boss (Void Reaver)本身唔難打, 基本上佢好似個網球發球器咁, 會每10秒不停360度不規則發出閃光的"球". 聰明的你應該估到, 中左佢的球會有咩後果, 就係死, 就算唔死都得番1/4條人命. 冇錯, 呢個係閃避球遊戲! 於是一行25人係10分鐘內, 不停望天打掛, 除左要攻擊boss, 仲要睇下幾時有個球飛向自己個邊. 基本上飛過來就要走定先. 唔駛講, 我反應咁慢, 中左N咁多次啦...... 死到我都唔記得左幾多次, 總之repair bill貴到飛起啦. 貼錢買難受丫!!!!

舖頭消失了

我家附近的屋村商場, 自領匯管理以來, 愈來愈靚同乾淨. 好景不常, 最近半年, 附近的舖頭一間一間咁消失. 先是我每星期光顧起碼三次的萬寧, 搬到要行5分鐘路程. 緊接而來的, 係放工後買雜貨飯餸的大昌, 搬左入我永遠都唔去的街市. 之後, 影碟舖, 洗衣店, 麵包舖, 電器舖, 家用品店, 甚至連大集團商務印書館都要迫走.

今日放工個陣, 我如常咁去大家樂買飯盒. 點知發現係大家樂隔離的大班麵包店都消失埋, 今日下午五時係最後營業 --- 我連最後一面都見佢唔到. 我好詫異, 個心好唔舒服. 大班麵包舖係呢度已經開左十五年以上, 我細細個已經係呢度開業. 由我最初好憎佢, 到而家幾乎日日放工都買佢的麵包, 好有感情. 感情又點值錢呢? 租金一定加得好離譜! 我屋企附近, 連摺兩間麵包舖, 我以後放工後只可以去美心, 買賣剩排的排包, 或者凍冰冰的腸仔包.

而家個屋村商場仲係度裝修咁. 望住圍板, 同埋剛整好的假天花, 我突然好掛住以前更有親切感的up dup商場仔.

保險公司廣告

感冒中...

v__v 感冒中... 冇心機睇書, 打機, 只係想訓覺 z_z

* ~ * ~ * ~ * ~ * ~ * ~ * ~ * ~ * ~ * ~ * ~ * ~
前日發完燒後, 尋日好番d, 但今日差左, 仍然喉嚨痛. 今朝一番工兩個同事一齊病, 我要頂哂d工作, 個人仲鈍鈍地... 個user仲提出無理要求. 激到我發火還擊. busy到食lunch呢d咁的peak hour連搭lift都係半個鐘有找. 結果埋單全日番工都仲係要番11.5個鐘. 灰左 (係丫, 12-0.5, 個半個鐘咪係食飯囉)

* ~ * ~ * ~ * ~ * ~ * ~ * ~ * ~ * ~ * ~ * ~ * ~
我每星期都買好多娛樂雜誌, 基本上最暢銷個幾本都會買. 雜誌內容其實都頗為無聊, 低級, 甚至有點不雅. 而事實上我亦唔太鍾意睇. 但我仍然每星期都買. 最大的原因係, 由朝到晚番工對住咁多英文, 唔係放工都要睇英文丫? 真係會訓著! d 八婆雜誌多圖, 色彩繽紛, 充滿創作力, 非常抵死....同我的工作有著強烈的對比! 就好比食維生素一樣. 唔係想食, 係要食.

最近的雜誌, 報紙成日都報導陳冠希單野, 而我又買齊哂d雜誌, 令我覺得好厭煩. 其實都睇得出d記者好努力, 出不同的statistics圖表, 事件timeline, 情史timeline, 關係圖, etc. 雖然咁努力, 但講來講去咪又係果一d野. 最有趣的, 反而係評論. 娛樂圈人的, 娛記的, 家長的, 心理學家的, etc.

其實我唔明點解d雜誌/家長話阿嬌虛偽. 佢幾時有真過? 佢間唱片公司wor! 大家真係咁天真? 佢份聲明只係對稿讀, 何必咁介懷. 我一直覺得最慘的係張柏芝. 都做左人地媽媽, 去左人生另一個階段, 而家先俾人揭瘡疤, 情何以堪! 但咁唔代表我同情佢或其他女星. 廿幾歲人做得出, 預左啦! 最有趣的係東周刊, 新地都一面倒支持阿嬌"當年天真相愛論", 同星島一樣, 大家都知咩事啦! 呢d咪係集團的好處囉!

我覺得呢個故事, 教訓我地, 所有人所有事所有關係都有條件ge. 今天的誠信, 人格, 形象, 明天可以破產, 因為呢d同價值觀掛鈎的野係基於我地所相信的幻象. 愛, 係建基於互信, 亦係基於我們相信的幻象. 沒有東西是不變的! 真可悲.

* ~ * ~ * ~ * ~ * ~ * ~ * ~ * ~ * ~ * ~ * ~ * ~
終於買左Kate Bush的Wuthering Heights!

頹癈的生活

話咁快, 新年過去啦. 好耐冇係度寫blog啦, 因為呢輪日日沉淪於WoW世界中. 為左盡快升到70, 真係仲慘過番工. 番工都係8個鐘. 我一日打到黑, 除左食飯訓覺之外, 都對住部電腦. 極度唔健康的生活!!!! 我的正常生活被WoW世界嚴重蠶食!!!!

我而家level 68, 仲差兩個level, 仍然要過呢種非人生活. 唉~~~~~

為左吸引一眾傻瓜新年都掛住打機, Blizzard特別準備新年特備節目 -- 換衫仔. 你只要不停咁搭蝙蝠, 去各個大小城市同npc傾計, 拿銅幣. 儲夠5個有野換. 我每個人物都換左件粉紅色衫仔.

主人物Cattle -- 怪怪地. Undead個樣同件衫唔係好夾.


我隻12 level的healer都換左衫仔, 因為係種族問題, 睇落去靚d.


Blizzard送每個人物一個"傳送器". 每十分鐘用一次, 穿梭大城. 我隻Draenei都未去過的大城, 都一次過去埋, 方便快捷! 我隻priest沿途識左個level 3的陌生人. 佢做左我的導遊, 帶我周圍去. ;D 圖中我地一齊等穿梭各個城市的地下火車.


於Orgrimmar練釣魚時, 我發現漁夫旁邊的小寵物Murky於server時間每三十分鐘會歌舞娛賓!!! 可惜我太專注釣魚, capture唔到呢個有趣的moment.


做其中一個任務, 我要喬裝成一個怪物, 深入條村莊做間碟, "訪問"村民, 然後匯報俾上級聽. 個quest幾有趣, 上級叫我千祈唔好離開條村莊, 否則會好似灰姑娘咁"打回原形"!!! 我變到好醜樣丫!


水底世界歷險


係WoW入面只可以同真人組隊, 但因時差的關係, 一般情況下係好難組隊. 經果我同Auntie(人物名稱Tma)一齊做group quest. 由於Auntie係敵對派系, 佢個人物長期都係紅色. 我一不小心就會攻擊到佢~~~~ 同佢一齊做quest有一定難度. 試過幫佢做佢的escort quest時, 受保護的npc以為我係怪物(!!!!) 討厭我到追我九條街, 結果fail埋個quest添!

準備殺Boss


Auntie同佢隻阿拉丁神燈召喚獸

Le Petit Prince

今晚睇左小王子音樂劇. 俾我想像中好好多! 睇之前我嫌貴, 但睇完我覺得超值囉! 舞台設定好好, d音樂好好聽添. 最重要係 -- 小王子同埋飛機師(作者)唱得好好聽. 雖然小王子係個女仔, 而且好高大, 但只睇聲唔睇人, 真係以為係小王子!!! 笑聲超迷人~~~

成個musical同原著有90%相似, 多左去城市的部分. 我自己唔係好鍾意同狐狸的一段, 覺得書寫得好d. Ending都同原著一樣, 有點blue~~~. 而我最鍾意的一段, 係同玫塊由相識到分離的一段.

成晚我最鍾意的一首歌:

呢段片入面就係個細路仔做番小王子. 外型分搶哂!!!

紀念品方面, 竟然冇DVD/CD!!!! 過份!!! 而最靚的金粉T-shirt細碼全部sold-out! 成三舊水一件, 香港人幾咁有錢!!! 我買左個小王子鏡盒, $250. 價錢一般啦. 小王子的野乜都貴. 但自己鍾意, 冇計!!! (由於係鏡的關係, 影唔到相...冇得放係度)

香港站official site: http://www.musicnationgroup.com/littleprince/

Scissorhands!

泥膠公仔的愛德華! ^_^

A Whiter Shade Of Pale

:) 古典音樂與pop music最完美的融合!!!



仲以為係抄J.S. Bach勁出名的Air on the G String, 點知原來唔係抄!!!

Le Petit Prince

:) 我鍾意睇的小王子.

Mickey Rourke

Mickey曾經係八十年代尾紅過一段好短的時間. 當年佢個樣好靚仔, 拍左一套《9 1/2 weeks》. 可惜好景不常, 佢揀戲拍, 加上冇乜演員道德, 好快就打回原形, 係九十年代頭要做番拳手. 之後唔駛講啦, 年紀大, 加上打到口腫鼻腫.

歲月不留人! 睇下改變有幾大!
http://www.awfulplasticsurgery.com/archives/000344.html

當年同Kim Basinger一齊拍的《9 1/2 weeks》

Moskau by Dschinghis Khan!

我公司附近個商場今個聖誕有魔術同歌舞表演. 今日放工時聽到一段非常Russian style的舞曲. 由於旋律非常動聽, 我一番到屋企即刻google一下.



跟手我仲download埋mp3添! :)

其他搞笑variations:
1. 廿幾年後原班人馬(除左死左同走左兩個外) -- http://hk.youtube.com/watch?v=AMvcZIrleeE&mode=related&search=

2. 笑到我死死下的Strip版 -- http://hk.youtube.com/watch?v=KEP8EXE9aqY

3. 將德文歌配怪雞英文subtitle版 -- http://hk.youtube.com/watch?v=zS1joMnB4T0&feature=related

4. 太鼓之達人版 -- http://hk.youtube.com/watch?v=h0Iar_UX8bY

論語

WoW level 52

今個星期有兩日瘋狂咁玩WoW. 老實講, 好辛苦, 仲慘過番工, 一定慘過考試!!! 對住d雞腸instructions, 複雜到咩咁 --

"向東行, 沿路見到 A,B,C怪盡殺, 一直到(x,y). 再一直行去到(x1,y1). 上斜路, 你應該會見到分叉路向左或者向前, 你要向前. 去到(x2,y2), 轉右進入D區域. 一直行, 見到間房乜都殺. 一直向前行, 轉左, 見到度門, 向北行. 沿路見怪就殺, 一直行到去..你會見到受控制的地質學家, 同埋勁版的golem怪, 唔好理佢地. 向北行, 上一條斜路. 斜路的半路, 會有分叉路, 直行. 入左間房, 會有一pair pair的怪, 殺哂佢地. 入左去會見到3個boss. 佢地係elite, 你一係LFG找人幫手, 一係放棄......"

我精簡左好多, 原文好鬼長! 救命丫, 咁複雜的instructions!!!!

1) 俾對面d無品的ally gank左5次!!!!!! level 70做咩來d 低level的區丫? 玩野丫?
2) Instruction "見到度門" -- 大佬, 山洞黑成咁, 點見度門? 俾個coordinate唔好咩?
3) 個boss好難找, 要再search forum先得.

係磨練意志的遊戲.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
有聖誕鹿騎:


殺人兇手 (嗚~~~~ 我死得好慘)

氣體總排放

呢輪睇新聞經常聽到氣體總排放, 美國點樣唔合作令到個會議冇哂意義. 其實呢d野對於我真係一d關係都冇. 你叫我出街環保d, 唔好買水, 唔好買紙包飲品, 自己帶支水, 我真係做唔到.

今日睇AM730報紙提起Peter Singer. Google一下, 原來佢係個道德分子.

公平的氣體排放方案
動物戀

discuss.com.hk

曾經有朋友話, 如果discuss.com.hk上市, 一定會抽一手.

而家未上市住, 但有信用咭!!!
http://www.xpressfinance.com.hk/emailbroadcast/edm4/edm.htm

手拖手的聖誕老人

我辦公室那層有兩個部門, 基於保安理由, 中間有兩度門, 分別要再"do"咭先入得. 我去洗手間時總會經過Audit那邊, 也不期然留意一下那邊很warm的聖誕佈置. 昨天, 我望住他們的門口, 總覺得有點怪.

我見到兩個手拖手的聖誕老人.


我足足望了15秒, 用手機拍下.

以前的我一定會大叫: "好可愛丫!!! ^_^" 但現在的我居然覺得佢地搞基!!!! 變態丫!!! 一定係係Auntie同杰杰影響左我!!!!!

P.S. 我同事同manager都對我係人地門口影相感到奇怪, 我亦俾audit的人bear住...可能佢地懷疑我想影乜....

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
買左Wii Fit!!! 未玩. :) 好忙嘛. 前幾日訓左2個半鐘咋.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
考試完了, 輕鬆哂啦.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
原來我足足3個月冇睇那個人的blog. 算是忘記了吧?

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
我覺得我今年變左好多. 主要係心態上. 好的係, 我覺得我易相處左, 冇咁講原則. 唔好的係, 我比以前多左講癈話. 我指的癈話係, 朋友/同事之間講日常生活的事. 冇目的既對話, 根本就係癈話.

我覺得我老左丫!

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
睇左黃子華, 12月11個場. 同以往一樣, 佢的棟篤笑好有point. 今次有d做show成份, 充份表演Dayo唱歌的天份. 加上靚仔. :D 全晚好開心~ 比起2003那年, 冇咁好笑. Dayo已經不再走以前的"肉緊"那種老線. 係好事! 都冇咁多政治話題啦.

Hansel and Gretel

The Birthday Problem

今日上英文oral course, 發現有同學同我同一日生日!

我地個班只係得5個人! 你可想而知我同她當時的反應係多麼興奮! 咁大個人都未試過有人同我同生日.

當時我第一時間諗起大學讀probability時的"The Birthday Problem". 最神奇的係我竟然記得個名, 同埋答案! 如果你冇聽過Birthday Problem, 或者忘記左, 可以睇呢度. 係田鴨教育長大的我, 放低書包7年, 竟然記得個答案 -- 23人. 太神奇了!!!! 我諗好可能因為呢個答案係質數, 而我又對質數較為敏感.

講番先, 我當時諗的, 除左係經典的birthday problem之外, 仲諗: 我同呢個同學的緣份, 究竟係幾多%呢. Well, 當時我好白痴咁諗:

1個人和我同生日的機會是1/365
那麼4個同學和我同生日的機會自然是4/365啦!

由於我覺得怪怪地, 放左學之後問左個讀數學的同學. 個答案當然唔係啦! 事實上我都覺得怪, 因為如果咁講, 1000人的話, 機會率咪3.XX, impossible!!!!

正解係: 1 - (364/365)^4 where 4 = 5-1 除了我之外在班房入面同學的數目

原來, 4個同學是但一個同我同生日的緣份係1%. Well, not too bad!

:) 數學真美麗~~~

P.S. Facebook有個application記錄所有人的生日. 如果birthday problem的理論係work的話, 照計我個facebook應該見到兩個friend同一日生日丫. 我check過, 原來有三"pair"人都係同一日生日! wonderful!!!

日本人學英文

真係冇辦法, 笑到肚痛. 有人的comments超頂癮:
Quoted from youtube: "From the look of things, America is a scary place. I hope they show this on all international flights from Tokyo to New York. I have such a difficult time mugging people who don't speak English. This video helps, but I guess I'm going to eventually have to realize that we live in a global environment and learn to say "give me your money or I will kill you" in several different languages. Then I could make a follow-up video targeted the monoglot hoodlums and thugs."



由於實在太好笑, 美國人都有樣學樣, 整左個一樣的video:

英文好差~~~

上星期工作上有d麻煩事. Support開的system跪低左. 對於我來說, 有多點工作, 但還可以應付得來. 反而, 是英文差, 引起不少麻煩.

1) 在星期一的早上6:00, 英國的同事call我, 簡單敍述了突發事件, 以及應對方法. 其實我明白佢講乜, 可惜.... 當對方說要講個網址, 我要對方重複3次才catch到.

原來我聽唔明互聯網網址 ~_~""""

2) 在星期五的下午5:00, 收到英國同事的call. 對方用純正(我諗純正) Scottish English問我一d野. 在她25秒的問題內, 我只係聽得明三樣野 -- 我個名, environment同 interface的名. 我叫佢repeat. 但一樣唔明. 極度尷尬地, 我同佢講: 我完全唔明你講乜. 佢就話冇問題, 自己會睇log. (係囉, 我講完唔明佢講乜, 佢講的話就忽然易明左)

由此可見, 唔關未訓醒時, 無論咩時間, 咩地點, 都係聽唔明.

我尋日上左一個oral training course part 1, 都有向導師提及我的問題 -- 聽得明New York同事講乜, 聽唔明Glascow及India同事. 導師都係講: 冇計, 聽多d囉. 唉, 係時候要努力了, 鬼叫細個唔勤力讀書.

韓國2% 礦泉水廣告

野雞大學

Hamster & Popcorn

最迷人的教堂

從未見過如此醉人的教堂!!!

http://blog.yam.com/dickypan/article/10479827

勁歌1993男歌手獎

心血來潮想睇番93年個陣男歌手的勁歌頒獎禮. 嘩! 當年的變態遊戲我仲記憶猶新. 陰功~~~ 叫哂d人上台, 俾番d薄面好wor....你睇劉華個樣幾灰~~~

黎明當年真係好靚仔, 當年我都幾like佢.

黃子華楝篤笑《愈大鑊愈快樂》

有海報啦!!!!! 十一月一號開賣!!!!

票價係$220, $280, $380. 我好想買$380, 不過算啦, 子華咁靚仔遠觀都ok架啦, $280算....

倚天 93年版的楊逍

這幾天因為仍在放annual leave, 所以不停的看書, 看youtube.

看完金庸的《笑傲江湖》, 前幾天忍不住看了一整套96年TVB版的《笑傲江湖》, 好好看! 有人竟然將整套廣東話笑傲放在youtube!!! 呂頌賢把令狐沖演活了, 雖然有時覺得他演技不是非常好, 但無可否認他確實捕捉了令狐大俠的某些神髓. 梁佩玲也把任大小姐演得很好, 雖然她的造型很東洋味, 怪怪的. 當年的劇真的好好看. 下次影音店見到dvd一定要買下來.

看金庸的書就一發不可收拾, 連看了笑傲, 天龍, 神鵰, 倚天. (不看鹿鼎記是因為不久以前已看了一遍)看倚天小說就不期然想起93年楊佩佩版的倚天了~~~ 當年很討厭這套劇, 因為小馬哥(馬景濤)嘔心的演技, 及葉童不夠漂亮. 現在重看, 無可否認, 葉童的氣質和演技真的一流~~~~ 當年印象最深的當然是孫興扮演的大魔頭楊逍~~~ 我還記得中二那年, 很多女同學都迷上了他~~~~ 他有點邪氣, 還強奸了紀曉芙~~~ 不過男人不壞, 女人不愛嘛~~~ 哈!!!!

在網路上找一找, 原來前幾年有蘇有朋有演過倚天. 趙敏就是寶島美女賈靜雯. 我只看過他們綠柳山莊的一幕, 怎麼說呢, 蘇賈的演技也不好, 加上攝影角度很生硬, 不好看.

93年馬景濤, 葉童版
03年蘇有朋, 賈靜雯版

03年蘇版最噁心的, 還是張鐵林演的楊逍....他怎麼可以有勇氣去演丫!!! >_< 怎麼他沒有自知之明, 破壞了我們心目中的形象, 還是乖乖去做皇帝好了~~~

93年版瀟洒楊逍 (帥得沒話說)
02年TVB版張兆輝 Link2 (不錯~~)
03年肥版楊逍 (哈! 千萬不要吃飽飯後看, 會吐的. 留意片末的一段陋室銘改編的厚顏銘)
網友的意見

不過老實說, 金庸筆下的楊逍一點也不吸引, 只是孫興和編劇做得太好吧了~

黃子華的棟篤笑

:) 十二月有得睇啦!!! "越大鑊越快樂". 十一月頭應該有得買飛!!!

個人認為, Dayo的棟篤笑比Jimmy有內容好多, 而且好笑好多. Jimmy的我都不太會笑. :P

http://www.uwants.net/viewthread.php?tid=5039590

魚魚的新碟

魚魚就快出新碟了, 主打歌是《祟拜》. 這是離開了滾石後的第一隻碟, 真替她緊張~ :) 首歌好好聽~~~~ 一定會大賣的!

http://www.tudou.com/programs/view/Be1ajihJm5o/

笑傲江湖

我耐唔耐就會翻睇《笑傲江湖》, 睇左差唔多廿幾次, 主要係因為故事吸引. 無可否認, 我小時候tvb播的笑傲江湖都有一定影響.

數一數手指, 96年的笑傲江湖距離現在都十一年前了, 但外型最好的令狐沖, 始終還是呂頌賢.

呢個blog引錄了很多96年版的片段
http://blog.xuite.net/sindykao329/HuaYingXiong?st=c&p=1&w=581837

YouTube:
http://hk.youtube.com/watch?v=20Q-Wr_bri4

桂林山水遊

剛剛參加了康泰的桂林遊山玩水團. 坦白講, 桂林真係唔錯! Out of my expectation!!! 先報告一下行程:

~ * ~ * ~ * ~
Day 1 (Thu)
乘坐中國南方航空, 晚機抵達桂林. 由於抵達桂林機場時已經係八點幾. 入住帝苑酒店, 地點都算ok, 但冇乜夜市行. 一行人搭車去酒店已經是十點幾. 係酒店食晚飯 (更好的稱呼係宵夜), 然後睡覺.

Comment: 好灰的一天. 第一次搭飛機, 每人一份飛機餐係"餅". 無錯! 乾到飛起的biscuits!!! 有團友虐稱為"飛機餅". 搭個幾鐘, 俾糕點都好少少丫....冇夾心的餅...慳唔慳d丫!?!? 好dry囉!!! 即時令我對南方航空的印象嚴重降grade至-10分 (最低分!!!)

~ * ~ * ~ * ~
Day 2 (Fri)
一朝早6點半morning call, 8點出發, 8點半開始漓江遊. 漓江兩岸的山水很美, 風光渏麗. 十幾廿隻觀光船一隻連一隻, 見唔到尾架! 好壯觀! 下午上岸去冠岩參觀. 入面的鐘乳石好靚, 有很多奇山異石, 全天然, 簡直鬼斧神工. 之後回船在船上吃風味小菜. 之後-- :P 本人小休了三小時. 下午三時到達陽朔, 逛著名的啤酒街 -- 超多鬼佬!!! 聽導遊講, 呢度鬼仲多過人, 相信萬聖節應該幾開心. 晚上去銀子岩, 入面有很多"年青鐘乳石", 好靚! 之後食芋頭宴, 再開車去柳州, 住一晚.

Comment: 陽朔都ok, 但冇講到咁靚. 銀子岩雖然係自費, 但好值! 真係好靚, 仲行到死咁滯(差唔多十六層樓高), 抵! 可惜的係影唔到好多相, 因為太黑.



~ * ~ * ~ * ~
Day 3 (Sat)
早上出發去柳州的公園參觀柳宗元事跡, 下午回程去桂林. 參觀世外桃源. 之後睇show "夢幻漓江". 晚上同幾個團友一齊去酒店的腳底按摩, 盛惠$60.

世外桃源果然係4A級的國家景點, 唔同d架!!! 真係好靚. 可惜只係得唔夠一個鐘參觀.

因為柳州去桂林用左5個鐘, 期間我地團友仲見識過最恐佈的toilet.... 嘩~ 嘔心到....d衛生巾周圍pat, 難聞到嘔....仲要有白色的蟲....那個畫面我一世都記得.....好多女仔/阿婆都唔肯入, 但我最後到入左個格廁所...... 點知後來我地發現原來隔離的"沖涼間" (唔係toilet) 乾淨好多!!!!! 唉, 都去左囉, 冇計. ;(

個show都幾好睇 :P

腳底按摩因為靚仔導遊介紹, 由$150減至$60. 都ok舒服架~



~ * ~ * ~ * ~
Day 4(Sun)

坐吊車上堯山, 整個桂林盡收眼底. 下午去七星公園同象鼻山, 再去鴨仔團必去的地方 -- 寶樹堂, 茗坊食品公司. 晚上夜遊漓江看鷺鶿捉魚.

Comment: 行程愈寫愈短, 睇我幾懶! 堯山個cable car簡陋到極, 對我地呢d under 360陰影的香港人來說, 簡直係超恐佈. 不過我地都頂硬上. 我地之中有個80幾歲的阿婆, 俾領隊"協助"下上左山頂. 其中有個女團友有畏高, 喊哂咁, 結果又俾我地的靚仔導遊"捉"左上山頂. :P

七星公園冇乜特別, 最攪野係佢超多老翻公仔. 真係估佢唔到!

象鼻山冇乜特別, 但小學的中文課本, 關於桂林個貨我記得的只係 "桂林山水甲天下"同埋象鼻山幅圖, 而家仲算見下隻象仔. :P

茗坊食品係茗茶的公司. 雖然明知果度係導遊抽水的地方, 但d糕點同茶太好飲太好食, 實在不太介意俾佢抽水!!!! 買左差五百幾六百蚊野!!!

晚上鷺鶿捉魚幾好睇. 鷺鶿天生是捉魚高手, 能"潛水"幾分鐘. 漁民用繩套著鷺鶿的咽喉, 令牠吞不到大魚 -- 大魚都要"嘔"出來上貢給漁民. 我地親眼目睹呢種虐畜的畫面, 不過真係好好睇.



~ * ~ * ~ * ~
Day 5(Mon)

早上先去叠彩山, 看桂林市中心的360 view, 跟著去伏波山睇幾百年前的石刻. 再去鴨仔團必去的絲稠公司, 然後返香港!

Comment: 回程冇再食難吃的飛機餅啦! 南方航空的晚餐牛丸飯幾好味! 抵讚!

聾貓

以前係C&T番工個陣, 習慣每星期買齊所有雜誌 -- 東Touch, 新地, 東周, 壹周, 便利(停左啦!), 忽周, Monday, Milk. 係! 齊哂! 而每個星期一睇東Touch, 都會立刻翻到最尾幾頁, 直接睇小克的連載插圖. 成本東Touch最期待的只有小克漫畫, 睇完要即刻放低俾其他人share睇, 因為好搶手!

小克的插圖有時會瘋言瘋語(Ocean Threatre系列), 有時會簡單輕鬆(聾貓系列), 有時會批評一下香港政治生態(維港巨星系列), 有時會好嚴肅 (Seriouseries), 有時好warm(貓系列), 有時好集體回憶feel(八十年代系列, 巴士系列).

自從一年前轉左工, 已經好少買東Touch, 好耐冇睇小克的漫畫了. 最近係書局買番佢的插圖集 -- 偽科學鑑証一及二. 呢幾日一起呵成咁睇哂. 有d坦白講, 唔太明白, 因為我唔係三字出頭的人, 亦唔係自細睇開漫畫的人. 但小克的插圖總有令人感動, 令人會心微笑.

聾貓1&2
招職jiujak.com訪問

Cattle的加冕

好久沒上Guild Wars了. 今日放學後心血來潮, 想睇下Guild Wars有什麼新玩意. 其實第4章我玩埋都唔夠2個鐘, 只係玩左一個mission. 一login我即刻捉住yas, 叫佢帶我過任務. 係我地開始做任務前, yas用左差唔多成個鐘簡介左第4章的野, 例如要拿幾本書, 要去邊度邊度做任, 等等.

我只係冇玩兩個幾月o者, 攪乜成個game唔同哂咁架...... 連wiki都去唔到.....

最後攪清楚哂 -- 書係靚d, 有圖的quest log. (你話幾無聊!) 而Wiki係轉左server, under新的domain "gamewikis.org"

好啦一小時後開始做任, 我地做的任叫血債血償. 我變成一隻烏鴉, 用獨有的怪獸技去攻擊對方, 例如整盲對方, 遠距離的AOE攻擊等等. 但係 --- 點解我個樣冇變??? 我仍然係人型, 如果我都變埋做兩隻腳的tengu雀仔人咁, 又或者食藥變大到好似norm族就perfecto啦!

玩完個任, 我都不好意思再打攪yas. 話哂人地生在澳洲快我地幾個鐘, 唔駛訓咩.

yas非常友善地教我去玩4章的PK遊戲. 個小任務規則如下: 玩家單人和傭兵單挑. 他們都用上一些遊戲中常見的build (例如55 monk, 燒魔, 放靈等), 玩家要一氣呵成連贏在6個回合pk掉6個npc.

奬品是一個挺不錯的副手武器. 這個小任可不停做, 不過第二次勝時, 得到的會是換皇冠的券, 儲齊5個便可換皇冠. 由於皇冠好似幾靚. 就係咁, 我隻死靈成晚就不停咁pk npc. 幸好NPC的build實在只是一般, 所以我試了兩次已經可以把npc pk掉.

戴皇冠的Cattle Summoner:


換完後我覺得個皇冠實在麻麻地. 就係咁, 浪費左一晚的光陰.

華麗一族

《華麗一族》套戲播左大半年, 一直pat埋一邊. 今日無無聊聊拿出來睇. 嘩! 播左半集已經迷住左. 跟住直踩睇哂1-10集. 超好睇!!!! 故事圍繞住60年代銀行企業的兩父子的家族情仇. 同場加映埋木村的企業家之夢, 家族關係淫亂, 同埋政治/企業黑暗的一面. 就咁聽故仔就覺得好"leung", 好似每晚大婆台剛播完的歲月風雲咁. 咁唔同人拍, 真係爭好遠~~~ 日劇好睇好多!

Anti-intellectualism

http://en.wikipedia.org/wiki/Anti-intellectualism


Intellectualism, elitism, 唔係人追求的野咩? 點解會anti的呢? 點解布殊會鼓吹架呢? 第一次聽到呢個term, 覺得難以理解. 於是google和wiki一下.

Wiki和google說了一些反智識主義的例子:

1. 對美國黑人來說, 讀書 = "acting white"!?
2. 美國人大多數會選反智識的人做總統. 例如Bush v. Kerry.
   

Wow: 有馬騎啦!

終於等到40 level, 有馬騎啦 -- 我是不死族, 當然騎不死馬. ^_^ 要俾成10個金幣架!



其他相:


由於我個server係PvP server, 行行下街都隨時會"劈友". 見對方樣衰, 就一野打埋去, 唔需要理由.

前一輪試過同人激戰. 有日行行下, 有個高我1 level的druid突然攻擊我. Druid的特點係, 隱形, 同埋埋身攻擊. 冇乜pvp經驗的我照對付平時d怪一樣咁對佢. 其實我用開個spec (build)都 ok強, 可以tank得幾下. Warlock的攻擊要點係-- 可以打耐d就打耐d, 拖字抉. 我地互打一輪之後, 兩個人都跌到得番10%血. 我首先倒下. 敵人於是好開心啦, 施施然咁走. 嘻嘻, 好戲在後頭. 故意等左5秒後佢走開左我先復活, 然後一野遠距離魔法整瓜佢. 佢發現時已經太遲了. :P Warlock就係咁變態, 有復活石, 有回復體力的石. 死左都唔代表戰鬥已經完結!

Blog template

我又轉番呢個blog template啦. 睇來睇去, 都係呢個最襯我 -- 白色純潔襯我. 呵呵呵~~~~~

講笑o者, 其實係, 我唔鍾意d blog一格格box咁, 唔夠free.

今個weekend, 我會休息番一下, 順便打wow! 我已經成個星期冇打機啦!

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~

推介好好聽的歌:
超級星光大道比賽 楊宗緯-背叛
http://www.youtube.com/watch?v=RO_1G2_fUHE

一星期後, 蕭敬騰同樣唱背叛, PK掉楊. (太明顯的勝利!!!)
http://www.youtube.com/watch?v=sCV8kD068mE&mode=related&search=

再一星期後, 兩人再以《新不了情》決鬥一番. (我個人喜歡楊的版本多一點)
http://www.youtube.com/watch?v=wQdiaorSJ_k&mode=related&search=

總決賽 蕭敬騰 - 世界唯一的你
http://www.youtube.com/watch?v=DxT1EkSFKkQ&mode=related&search=

佢兩個的表演都無懈可擊! 楊宗緯的歌令人心裡感動, 蕭敬騰的歌唱水準無疑較好. 希望佢地兩個都快d出CD!!!


蕭敬騰上節目康熙來了 part 1 (必看!!!)


蕭敬騰上節目康熙來了 part 2 (必看!!!)

Gathering

尋日同預科同學gathering. 大頭蝦的我今次做攪手, 唔記得呢樣唔記得個樣, 連枱都冇book!!! 但大家一d都冇怪我, :) 真好, 中學的同學都了解我, 係唔會同我計較呢d野ge!

原來大家已經好耐冇見, gathering中有同學下年結婚添! 真係替佢高興!!! 其實之前大家係度諗, 都覺得佢應該係我地之中最快結婚的一個 -- 非常賢妻良母型, 又深閏, 同我地出街永遠早番屋企. 相信佢應該會持家有道!!!

嗯, 我諗我都要改下, 否則咪駛旨音嫁得出.

好充實的一天丫

難得中秋節翌日是公眾假期, 總要善待一下自己.

早上十點幾, 和企鵝沿著林村河跑步. 嚴格來說唔算跑步. 企鵝同我用一小時七公里的龜速跑 -- 比正常的走路速度5km/hr只快了40% -___-" 當然, 對我這種從來唔做運動的人來說, 已經很難得了. 我地沿路走到海濱公園, 見到大量賓賓, 以及好多彩燈 (叶韻!). 只可惜日光日白, 看不到彩燈的美. 我隨手影左幾張相.

下午和企鵝, 兔仔同埋茄仔食Tea. 下午茶餐竟然有A-Y 25款咁多! 以tea的價錢有lunch的份量, 真係超值! 跟住我地行左一陣吉之島.

夜晚同企鵝去睇《色,戒》. 因為尋日朝早八點起身, 又行左好多路, 有點累, 以為150分鐘, 實訓啦. 點知連呵欠都冇打過! 好精彩囉. 問心, 入戲院都只係為左睇梁朝偉的激戰o者. 咁當然冇失望啦, 真係好激!!! 除左個三場之外, 其他文戲都咁正. 真係好惦囉. 男女主角都好好. lee hom好靚仔, 但我一向都唔太鍾意佢(太靚仔, 唔鍾意!).

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
WoW出左voice chat, teamspeak, vent都慳番!

中秋節快樂!

今日又係中秋節啦!!! :D 中秋前快樂丫!!!

引用(盜取)自朋友的SMS + 網頁:
衄鬯龠提爝鲎瓞前郗鹾祝毹鼗匏你龠勰鹨中郄鹱秋貅陬隰节隳隈快飨骱酃乐偾*傻眼了吧，叫你好好学习你不听，挑自己认识的九个字读一遍！呵呵。

不要告訴我你看不懂 -- 我會極度妒忌你中文那麼好, 又或者無情地恥笑你中文那麼爛!!!

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
這幾天和同事相處非常愉快. 我開始明白, 一年前至前幾天我對我那位同事的想法 (我認為太不賣力) 是很膚淺的. 對於難以控制的事耿耿於懷, 以及我在blog上向我同事近乎漫罵的讉責, 表示我極度幼稚以及EQ極低. (雖然對於我來說, EQ低和高是沒意義的, 最緊要自己開心.)

但係, 我發覺我改變自己想法, 多點體諒人後, 我這幾天過得很開心. 是很開心!

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
我尋日開始睇Wuthering Heights, 發覺冇一段睇得明, d英文深到嘔. 但我決定征服佢, 努力咁查緊字典.

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~

汪精衛

由於色戒快上畫, 特意找找漢奸的故事來看.

汪精衛原來沒有想像的那麼壞, 頗值得看的一篇文章.

How pathetic!

Leave Britney alone
http://www.youtube.com/watch?v=kHmvkRoEowc

:P Someone's reply:
http://www.youtube.com/watch?v=7-ELu0UMzgU&watch_response

Disparity in sex in India

Since my last training in UK, I have been wondering what's the woman status in India (quantitatively), and what's the cultural difference between India and China. I don't think I was discriminated by my India colleagues, but I can see some "difference", I believe it's cultural difference, and I wanna know WHY. I tried to search for books in CU library -- in vain because I'm not sure of what keywords to search. Luckily we have Google!

Some light readings:
China VS Muslim
http://sun-bin.blogspot.com/2005/08/china-vs-india-and-muslim-world.html

Caste system
http://berclo.net/page00/00en-impressions-india.html

Some scholar articles about woman status
http://scholar.ilib.cn/A-jzsfgdzkxxxb200605019.html

India & China
http://www.businessweek.com/magazine/toc/05_34/B3948chinaindia.htm

India is really an interesting country. If they can build more lady restrooms, surely I'd like to get a trip there!

(Just Like) Starting Over

:) My fav song -- listened all night!

重返校園

中七那年聯招選中大, 其實除了因為計算機科學吸引外, 對中大一向有情意結也是主因.

上星期六因為要取學生証, 重返中大校園. 在校巴內, 我東張西望, 感覺是既親切又陌生. 建築物來說變化最大是醫學大樓. 遠眺總覺有點不協調, 在密密麻麻的建築群中, 很突出的一座黑色底彩色班紋的建築物! 感覺總像是人麼劇團的基地, 什麼藝術中心, 而不是醫學大樓. 踏進本部, 周圍都是翻新工程. 再過點, Canteen變靚了, 等飯不用站著等, 現在有號碼顯示器.

我去了大學書店, 買了書. 再到圖書館看了5小時書. 很久沒有那麼暢快地看電腦書, 歷史書, 金融書了. 我連匯豐74年的annual report都睇埋! 真係有殺錯冇放過.

以往我一定行小橋流水離開的, 今次我卻選搭校巴. 可能太久沒來了, 對中大校園的感覺有點變了, 覺得自己似訪客, 多過似學生. 如果行小橋流水, 總覺怪怪的.

pda

前日買左部HP iPaq. 其實自從看了那本"核心能力"的書之後, 一直想買部PDA來管束下自己. 買PDA主要係用scheduler.

大家有冇d咩好駛好用軟件推介? 我對電腦一無所知, 去邊度download applications都唔知! 大家有咩推介即管email我丫!

iPod Touch

蘋果又有新驚喜 -- iPod Touch. 其實最近我都留意緊PDA, 但一直揀唔o岩心水, 又或者揀o岩心水的佢又賣哂. iPod touch有齊我想要的功能 -- 1) 冇電話功能 2) PDA 3) iPhone的外表 4) 蘋果的牌子 5) 唔駛等到下年

好有興趣!!! 睇完 d spec有d失望, 但好過冇啦, 好想親身睇睇試下部機!!!

好樣衰丫~~~

今朝晨咁早起身搭車去AsiaExpo睇RoadShow, 結果都係趕唔切搭火車, 要飛的去青衣機鐵站, 成舊水丫!!! 係青衣站竟然撞到冇約埋的同事!! 原來有4個人同我一樣都係飛的! 有人陪幾好, 之但係一見佢地我即刻呆左. 佢地由頭到腳都同平時一樣~~~ 男的只係打左條軚, 女的就冇分別, 連經理都係咁!!! 而我就著到見工咁 -- suit + 2.5寸high-heel. 好彩冇make-up. 真係 "O" 哂嘴!

乜dress code唔係business formal咩?????!!!!! 咁叫business formal? -________-"""

幸好去到發覺我係正常, 只係我d同事係較casual.

肚餓到極的我, 係個度買左40蚊的早餐 -- 25蚊熱狗, 15蚊半杯奶茶(勁少囉, 半杯咋!!!) 咁貴梗係好味啦. 呵~

個RoadShow好正~~~ 好似睇concert咁, 有吹氣棒棒打, Spotlight打到台上, 有好勁的drum beat, Group CEO型到爆, d powerpoint, movie都係好professional~~~ 好鬼正囉~ 唯一缺點就係個expo鬼咁遠, 如果近近地會展就好啦.


由於我個team全team去左RoadShow, 留左student placement一個女仔獨守係office. 完左RoadShow之後, 係機鐵上面, 我打電話俾個女仔.

Cattle: C 女仔: X

C: X呀, 我係Janet丫.... 我來同你食飯好唔好丫?
X: 咦Janet丫~~ 好丫~~ 你點知我來左做架? 好丫....但我今日帶左飯... 但我同你一齊食啦
C: (呆左一呆) 帶飯? 咦咁唔好浪費, 下次先啦, 你食帶的飯啦...
X: 唔緊要wor...係呢你點知我來左做架?
C: (覺得怪怪地...)
C: (自言自語) 我係咪打錯電話? (慘叫)Oh No!!!!!! X, 我轉頭再call你. bye

坐係我隔離的同事一路聽一路爆笑.... -_________-"""""""""""""""""""" 足足十分鐘先收聲.

問題係 -- 我個朋友同埋同事都係叫X. 撞名下, 我竟然用左address book的"first match"就算, 冇verify......

~_~" 樣衰到爆

未好番丫!

今日仲係喉嚨乾, 仲有一兩聲咳. 聽朝仲要去roadshow, 六點鐘要起身. 今晚一定要早d訓. :(

有d擔心聽日的roadshow... 會場係山"卡啦"咁遠的展覽中心, 有排搭車都去唔到啦. 番大陸仲近! 仲要七點幾入閘搭機鐵. 自己又好耐未試過準時, 遲到仲唔俾入場!!! >___<

又病左啦!

我又(!)病左啦! 其實都估到..星期六著件衫太薄, 係酒樓凍親(要靚唔要命丫~~~), 跟住星期日都麻麻地, 終於尋日發病, 今朝請假睇醫生.

我好唔鍾意請全日病假, 話哂我只係把聲沙哂, 但係打到字, 唔好意思請全日.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
星期六去做姊妹, 係個唔錯的經歷丫. 第一次做姊妹, 乜都唔識, 只係行行企企. :P 事實上我地亦冇乜玩d兄弟, 只係叫佢地食下蕉(每人4,5隻, 好少o者), 斷背互咀. 最開心係識到新娘的朋友, 佢地都又靚又nice! 最令我印象深刻的係, 新娘去男家敬茶, 那個畫面深深印在我腦海, 覺得有很震憾, 很感動.

當日幾個女仔坐埋時, 都有傾下愛情與結婚的話題. 我梗係得個聽字啦, 拖都冇得拍, 有咩結婚planning可言? 當日幾個女仔都有共同的諗法, 就係三十歲後結婚, 因為現在未ready(自己或男朋友未ready). 我覺得好奇怪, 因為我覺得年齡唔應該係一個界線, 唔應該係"有壓力", "因為結婚而結婚". 如果現在是要為事業拼搏, 那為何開口埋口說三十歲後才嫁? 那時候事業應該更忙碌, 更多目標. 結婚唔係一個光環, 結婚前沒有的幸福, 婚後唔會突然間有. 可能受父母離異的影響, 我總覺得沒有東西是不變的, 將自己的幸福押在其他人的手中實在太不智.

當時我有個奇怪諗法, 覺得自己好可能會一直single. 其實single亦冇咩唔好, 好自由. 最近係討論區睇到篇文章鬧"港女"高竇, 呢類文章每隔一輪又出番來, 冇咩新意. 雖然作為香港女仔, 睇到呢類文章有d唔高興, 但無可否認, 文章講的係事實. 香港男仔要的, 係滿足大男人主義 -- 女朋友樣好身材好, 學歷低, 小鳥依人. 可悲的係, 我覺得我呢三樣條件都冇, 亦唔想扮有呢三樣條件(事實上亦都扮唔到).

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
繼續沉淪FaceBook中. 我而家每日都用15分鐘玩FaceBook呀! 前兩日仲用左成個鐘!

Facebook

:D 申請左Facebook account! :P janetyung att gmail.com

MySpace.com

:D o岩o岩join左myspace.com呀.

http://www.myspace.com/janetyung

ACM statistics

原來ACM個statistics page轉左. 試過, 但fail的題目number都show埋出來. 好事來ge!!!! WA (wrong answer)復仇記嘛! :P

* ~ * ~ * ~ * ~ * ~ * ~ * ~ * ~ * ~

我今日由頭到尾睇左Capital Weekly兩次. 睇第二次明多左少少, 但發覺都有勁多野極度唔明.

* ~ * ~ * ~ * ~ * ~ * ~ * ~ * ~ * ~

我決定放棄Guild Wars.

大變身

我覺得呢個星期好神奇丫. 化左妝, 玩手指甲油, 買左好多衫, 鞋, 電左曲髮, 著裙, 我好似變左第二個人. 照鏡都覺得怪怪地. 所有野都係今個星期發生, 唯一未做的係未學戴con. 其實配左成個幾月, 但總係懶得去學.

是時候改變一下了.

個感覺係, 點講呢. 好事, 但其實又算是迎合社會. 如果只係得我一個人係呢個世界, 我唔會想變囉. 始終, 呢個世界係咁架啦, 睇左外表先. 同時, 我覺得我接受新事物的能力強左. 之前咪睇左本書 -- 新世代核心能力. 其中一項練習是改變自己生活習慣, 包括銀包, 食野, 髮型, 衣著. 我覺得我呢個練習做到滿分.

* ~ * ~ * ~ * ~ * ~ * ~ * ~ * ~ * ~ * ~
尋日收到加人工通知, 加幅唔細, 我第一個反應係呆左. 因為我轉工都肯定冇呢個加幅!!! 而且一年之內加三次人工, 好開心. 但幾乎同時, 我亦反問自己: 我點解值呢個價?

我覺得比較之前的salary, 同埋我做的野, 係超值, 係問心無愧. 但而家做的野...值嗎? 未來一個月我會諗下, 我要做咩去增值, 同埋點可以令自己值呢個價. 可以肯定的係, 我一定會報英文/普通話的course. 但詳細係點仲要諗諗.

Cutie

最靚係邊隻?

梗係Willy啦!!!

好Sexy

Sexiest!!!

好書分享

最近睇了一本叫"新世代核心能力"的好書. 坦白說, 我買這本書, 全因我被那個封面吸引了. 那是我們小時候有玩的一種玩意 -- 我不知叫什麼名字, 但實在被吸引住.

講番本書, 我起初還以為本書是令我自己我提升, 找好工, EQ訓練之類的書. 我對說教類的書有種極度討厭的輕視. 幸好, 我的估計是錯的. 反而, 我覺得看完這本書, 我好像做了一次重新認識自己的練習. 令我再次找到自己的目標. 當然, 這個練習應該會幾漫長, 每天都在做呢! :P

WoW

最近每天晚上都玩World of Warcraft. WoW世界比我想像中好玩, 在裡面的世界, 我可以打怪物, 賣東西, 有很美的景色, 有很難的任務, 很有adventure的感覺.

和其他玩家的互動也不錯, 低階時有不少人幫助我. 最近都和同事一起玩, 大家等級差不多, 一起玩可以升級快一些. 唯一美中不足是, 前幾天都有比玩家連環屠殺, 坦白說感覺不太好.

我只是離開一下電腦, 你把我殺了?

高等級的玩家到大城把所有部落族(Horde)的玩家都幹掉 -- 因為我們是他們的天敵!

搭船時給玩家幹掉. (天呀! 你不想想可憐的我要走多遠找回我的屍體?)

你70等, 我才24等, 公平嗎? 你打死我有什麼好處?

我很想把這些都告訴那些同盟(alliance)玩家. 但是我不能丫! 因為我們是天敵, 我們不能談話 -- 他們聽不明我們野獸的話! Orz -_-"

除了這些, 我很享受WoW的時光. 感覺上比Guild Wars豐富很多 -- 真係一分錢一分貨!


飛行中的我


:) 我和Severus Snape一起玩Dungeon! (按: 他不是potion master :P)


水底大冒險!

Poor Severus

唔知有冇人同我一樣, 唔鍾意Harry Potter的結局? 點解可憐的Severus要死? 真係超慘丫~~~~ 由第一集開始一直都好鍾意呢個人物架嘛, 點解會死得咁慘?

好認同呢個網頁的睇法. (中譯)

Tacoma Narrows Bridge

我成日以為呢條橋係resonance的最好例子. 原來係誤會一場! 唔係純resonance咁簡單!

Big Gay Following

GW的脫光光send左呢個video俾我丫, 超好笑

Internet is for Porn

Southpark VS WoW

http://www.youtube.com/watch?v=qGpG4gqi0S4

中文片:
1. http://www.youtube.com/watch?v=LH9qD5iolkU&mode=related&search=

2. http://www.youtube.com/watch?v=4uWPMACWuko&mode=related&search=

3. http://www.youtube.com/watch?v=_JYMpQ7YlUY&mode=related&search=

WoW坐蝙蝠

星期六玩左幾個鐘WoW. 出路遇貴人丫! 話說, 我係條山路度行下行下, 見到有個lvl 7的priest, 佢問我: 咦? 你有冇void? 我知佢講乜, void係召喚獸, 有d似阿拉丁神燈隻燈怪, 好似大舊衰咁, 好大隻架.

我答佢, 我有個quest, 但係唔識點做丫, 所以而家仲係用緊imp. (imp係小妖精咁, 行路跳下跳下.) 佢話, imp係好, 不過void勁d.

佢話: 我知點行丫, 跟我行. 就係咁, 我跟佢去做個quest, 拿左隻void. 原來void係巨型肉盾丫! 非常好駛好用. 一叫佢attack, 佢就好似巨牆咁阻住怪物的視線, 我好安全.

之後, 佢好好人咁帶我去高level d的農村, 仲帶埋個高level d的朋友來陪我, 高level d的朋友不停咁採植物, 然後整左10幾支藥水俾我.

我地去農村途中發生左段小插曲. 當時我地仲未見佢高level的friend. 行行下佢突然暴斃. 我嚇到呆左! Wow就係咁變態! 兩個陣型的人一見面, 可以無啦啦互嘔, 跟住死左!

佢地仲好好人咁帶我去dungeon. 不過未入去, 我就眼訓, 走左. :)

P.S. 我識騎蝙蝠啦. 好開心! 唔駛行咁遠路. 我去左馬房check過, 原來要level 40先可以學騎馬, 仲要俾幾十個金幣!!! 我而家身無分文, 儲幾個銀幣都儲得好辛苦... :(

Expecto patronum!

:D Harry Potter 7殺到啦! 我之前係商務訂左本, 唔知今日7月21日有冇得拿呢?

第5本我都未睇完丫...唔理啦! 睇左7先 :P

未有書到手, 唯有玩住d 小遊戲先:

My Your patronus is: is Antelope.
Take Reveal Your Ridden Harry-Pottery Patronus today!
Created with Rum and Monkey's Name Generator Generator.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *
之前申請左World of Warcraft 10日試玩a/c. 基本上呢個星期工作都好繁忙, 加上多左少少自制能力 (!!!), 所以進展都幾慢, 而家先係level 10.

我個人物Cattle做左好多quest, 殺人類農夫偷南瓜, 做信差, 殺鬼...等等. ^__^ 我個人物揀左職業係skinning + tailoring, 暫時只係做到麻質的衫仔褲仔. 件衫換左, 靚左少少. 我好appreciate wow環境的設定是多麼仔細, 好有心機. d鬼一見到我就大叫Moooooo... haha

我買左wow original + expansion pack, 不過未開始玩住.

集體回憶

今日download左孫耀威的So Far So Close. 新歌舊歌都幾好聽! 超值~~~ 過幾日我會去買番隻cd.

佢的愛的故事上下集, 係讀書時代的集體回憶, 好warm好好聽. 我唔係佢fans, 但其實佢唱歌唔差, 又靚仔, 又有學識, 都曾經紅過一排, 但只係好短日子. 條件咁好, 世事真係無常! 佢係前幾年的台灣綜藝節目, 講當年同唱片公司鬧翻, 消失於樂壇的原因, 都幾稀噓.

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *
GW玩到好悶, WoW而家可以申請免費account玩10日. 尋日裝左WoW, 今日做完野玩左3個鐘, 做到以前做唔極都做唔到的偷南瓜小任務, 好開心!

Alliance個邊做人類咁普通, 我就梗係揀Horde啦, 仲要係undead(貪喪屍夠cutie), 同個職業warlock襯哂! 有d似necromancer, summon左隻小跟班! 一見個勢唔對路, 即閃, 由得隻召喚出來的Imp做替死鬼.

人物: Cattle; Server: Frostwolf; Level: 7

我張相:

Je m'appelle Hélène

:) 推介! 超好聽的一首法文歌. 英文叫"My name called Elen"

YouTube(Original)

YouTube(翻唱 by 蔡淳佳)

中譯歌詞

Google search

睇舊報紙, 舊雜誌

我呢幾日係度睇番5,6年前的報紙, 雜誌. 感覺很有趣. 其實本身係想睇某則娛樂新聞. 之但係, 又順手睇埋03年的七一大遊行.

Wiki

Skype

我申請左skype呀, 好好玩丫. 快d add我啦...account係janetyung6.

更新履歷

今日同網友脫光光談起履歷, 給了一些過來人的意見, 也順手更新自己在jobsdb.com的資料.

原來我有一年冇update過啦!!! 時間過得真係快, 同埋我真係懶. 一update先發覺, 過去大半年我的工作範圍改變了那麼多, 原來我每天做這麼多樣化的工作, 履歷可以填得滿滿. ^__^ 感覺很開心, 很滿足, 也很感激我的上司給予我這些機會.

不過, 同時間我發現我的人工below mean!!! 如果計埋bonus應該同mean差唔多, 但都仍然有點不高興. 點解HR成日話同market掛鈎, 又話提供competitive package, 都仲可以below mean? 佢同邊個market compare?

每日番工用好多時間, 分分鐘對同事仲多過對屋企人. 我開始諗我的career path. 而家先諗, 會唔會遲左d?

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *
我個iPod Nano仲係冇反應. 自從我搭飛機去英國hang左之後就未好過, 唔知點樣reset呢?

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *
今日同事提出用潄口水會增加牙漬的驚人言論. 真定假呢? 但我唔知去Google打咩keyword.

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *

派股息

最近收到信, 我用作儲蓄的月供股票派股息. 滿心歡喜的我睇下個金額 -- $16.xx. 都好丫, 夠買個tea....點知再睇落d.... 佣金$30.00

!!! 咁你派咩息俾我丫...唔好派啦. 我有叫你派息咩? 窮人真慘!!

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
最近有人問我拿去英國的相睇. 好不幸 -- 我未有時間去買card reader, 我又唔識直接駁手機落電腦, 所以 :) 要等我買左card reader先!

有時都懷疑自己係咪香港人, 係咪電腦人, 連SD card reader都冇.

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
呢輪訓覺都係麻麻地. 成日夜一夜訓唔著, 朝早起唔到身. 前幾日全靠同事幫手先過左一劫. 唉~~~

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~
仲未報稅. 潛意識逃避緊現實.....

~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~

Paul Potts singing Opera (Britain's got Talent)

http://www.youtube.com/watch?v=9oxTy7KIAaA

Paul的外表平庸, 但一開口唱就大放異彩, d評判都呆左!!