有新倉鼠了

:) 我今天買了一隻新倉鼠. 和小斑及蝦餃一樣, 同樣是"小銀狐", 都是白底由頭至尾一條銀灰線的品種. 是一個小男孩(約兩個月大), 暫未改名. 買的時候, 有小倉鼠(一個月的)和大倉鼠(兩至個月的). 坦白講, 我唔太想買細倉鼠. 對我來說, 大小不是差太遠. 但倉鼠一長大, 便很難找主人. 價賣得愈來愈賤, 最後淪為"食物"價, 賣給邪惡的冷血動物(eg. 蛇)吃掉. 這麼可愛, 大一兩個月又有何干? 一個月的小倉鼠長得又可愛又活潑, 相信很快可以找主人的. :)

聖誕Weekend去了澳門, "見識"一下賭場. 坦白講, 我對賭真的沒有興趣. 在不懂玩老虎機的情況下都玩左好耐才輸掉一百元. :)

蝦餃死了

蝦餃今天早上安落死了.

星期日晚上, 我發現蝦餃移動出現困難. 其實在上星期, 我已注意他走路上傾斜一邊, 不過由於行得走得, 我以為佢一時"訓得唔好", 沒有太注意. 我注意到的是, 近來蝦餃食量細了, 沒有跑步. 見到他移動出現困難, 不太吃東西, 更甚有尖叫, 我知道出事了. 我用筷子餵糊仔給蝦餃食, 但他吃得不多.

礙於要番工, 擔心了整個星期一, 今天一早帶他去看醫生. 醫生直截了當說他沒得救, 是脊椎(spine)有問題, "he's dying, maybe 2 weeks or so.". 坦白講, 我去之前都有左類似的心理準備. 我向醫生提出幫蝦餃安落死. 可能蝦餃可以安然渡過這個聖誕, 但有意義嗎? 不能跑轉轉的鼠, 終日關在籠裡, 受著背痛的折磨, 他這幾天是怎樣生活呢? 真的不能想像.

離開寵物醫院的時候我把手提籠掉了. 我不會再養倉鼠了. 把他/她關在籠子裡, 自己去上班或者玩樂, 對他或我都不好受. 我和蝦餃相處的時間太少. 我買他是很大程度是因為掛念小斑, 於是買和小斑一樣的品種. 但每鼠的性格根本不同. 蝦餃不願離開籠子, 不吃零食, 不願和我玩耍. 我連相也沒幫蝦餃影過, 他便離去.

獸醫把蝦餃帶離房間去注射時, 我非常難過, 忍不住流淚. 一分鐘前的他眼仔碌碌地望著我, 這一刻便要隻身去面對死亡. 望著我的時候, 他知道我要下這個決定嗎? 對才三個月的小生命來說, 那是多麼難受的事. 他才三個月大, 比一般倉鼠的壽命短很多, 他什麼都未嘗過就離開! 蝦餃這次受傷, 可能是天生, 但更可能是我疏忽引致. 因為我的過錯, 要令蝦餃賠上性命, 是一個多麼不公平的世界. 唉~

唉, 我又衰左啦

係旺角唱完k後, 我帶住三袋戰利品準備搭火車. 期間路過ESSO信用咭申請的counter. 有個sales向我遞一份brochure. 我明明手中一袋二袋的, 但出於本能反應, 我竟然接了小冊子. (天呀!!!!! 我又衰左了). 我一見係信用咭申請表, 即刻掟番俾佢, 心諗, 好! 我有進步, 好有定力. 點知, 個sales仲勁過d賣公仔的聾啞人士, 死都唔肯收番張小冊子, 我話掉張小冊子落垃圾桶都唔理, 仲話"唔緊要啦, 幫下手啦, 我要交quota呀, 有禮物送架".......

個sales又唔係靚仔, 佢仲染金毛架, d色勁唔natural, 一睇就知壞人啦! 坦白講, 我真係勁唔想要佢的禮物, 斷估又係d杯呀,鐘呀, 擺設之類, 只會令我個勁似被賊光顧的屋企更混亂. 我手上又一袋二袋....唉..... 心中有千百個理由架嘛......冇理由....

唉, 又衰多鑊. 扁哂嘴, 乖乖地走去填表. 一路填一路灰.... 填左一輪, 問佢"呢間咩銀行來架?" DBS..... 上次係大埔我又俾人截過一鑊填申請信用咭..... 唉...但上次都叫做普通咭....呢個竟然係駕車人士信用咭....禮物全部係d咩"手提dvd 機", "藍芽耳筒", "esso油券"... 唉... /_\

gorgeous BJ

BJ好惦呀!!! 超肥但又超可愛. 等套戲足足等左成年, 好好睇~~~ d橋段勁似Pride & Prejudice

巫婆與糖果屋

今日不知怎的, 突然想起格林童話《巫婆&糖果屋》. 那個童話算是我最記得的格林童話之一 (不計青蛙王子, 另一個記得的是《笛子手和老鼠》,即《彩衣吹笛人》).

"每天早晨，老巫婆都要顫顫巍巍的走到小馬廄去喊漢賽爾：“漢賽爾，把你的手指頭伸出來，讓我摸摸你長胖了沒有！”可是漢賽爾每次都是伸給她一根啃過的小骨頭，老眼昏花的老巫婆，根本就看不清楚，她還真以為是漢賽爾的手指頭呢！她心裏感到非常納悶，怎麼漢賽爾還沒有長胖一點呢？"

http://www.epochtimes.com/b5/1/8/17/c3385.htm

好温暖呀~

^__^ 有暖蛋訓覺好温暖~

3G

真係閉~~ 今日唔知攪咩咁就上左3G

同Yam & Steven係沙田行下行下, 見到個trade價表. 梗係想知自己部野跌成點啦~ 就係咁, 有個sales隊部機埋來, 積極地示範手機功能. 可能女人錢真係易賺d, 我對每個功能都異常興奮. 就係咁, 上左台.

真係超無聊!!!

唉~ 最慘係冇friend都係3..... 有冇人係3架? 如果係, 請話我知呀~~~ 我都唔知搵邊個試視像電話

The Da Vinci Code

睇左本書好耐啦, 終於睇哂咁滯~ (係呀! 即係未睇哂) 本書好厚呀, 每日帶住佢, 好重好重.

/_\ 我今日又遲大到啦. 日日都咁遲大到~ 唉. 呢輪唔知做乜, 成日串同事.

呢輪我成日大叫好悶~~~ 番工多野做, 但真係好悶~~~

一口氣買左Joey隻新碟, 同埋達明一派隻精選碟.... 都傻ge! 有咩理由51首歌咁誇張....是但啦, 我想睇下佢地以前的歌嘛~ 我真係好鍾意明哥的唱腔~

其實我好想睇演唱會 (達明一派, Love Psychedelico) 但係邊敢買飛喎~~~ 一陣間project delay~ 張飛咪凍過水~~~

一籠蝦餃

我的新鼠仔有名啦 -- "蝦餃". 個名怪怪地, 不過我想幫佢改個食物名, 似鼠名嘛! :) 蝦餃好似蒸熟左的點心咁, 呢幾日發脹左不少. 好明顯寵物店俾太少野佢食啦, 而家肥肥白白先似鼠!

o係馬會見到教賽馬劃飛的指南, 好學的我當然拿左好多份好好學習啦. o係Steven的指導下, 我學識左賭馬的"2x3", "2x1", "6x63" 的過關方法啦. 尋日搵兩場賭波試下啦. 諗住搵大熱門, 會穩陣d啦. 我買HAD 2x3 即係曼聯win(away) 同埋 利物浦 win (away) . 唉~~~ 兩隊都不知所謂 (咁當然以曼聯較為不知所謂啦). 咁就冇左$150啦, 唉~~~

不過我冇放棄架, 拿左一大堆教賭波的指南呀... 尤其係過關呢, 我覺得好難呀.... d nCr, nPr呀咁, 我都唔明點解Steven可以咁快背到出來架... 好變態... 做過馬會係唔同d ge~

幾時先可以買一手呢?

重看森林

最近看了朋友的日記, 談及村上春樹的名作. 還記得第一次看, 總覺那根本是三級讀物, 應該用膠袋封著才可出售(說的奇怪, 商務的確有用膠袋包裝!!!). 主角經常手淫, 也和不少女伴上床, 連女伴的身材也形容得很仔細. 最離譜的是那個書名除了和Beatles一樣是六十年代外, 根本無一相關, 為何"借用"了Norwegian Wood這首歌名? 實在難明白一本純色情書為何那麼出名.

最近我重看這本書, 雖然仍然覺得主角很濫, 但今次不覺得那是本色情讀物. 今次我覺得主角是一個空虛的人, 他的命運一直在圍著他的兩位朋友兜轉著. 我始終不覺那是一本非常好的書, 始終, 它最能引起共鳴的, 不過是成長經歷過的荒唐事. 它最能吸引人的, 是故事情節, 也有那些古怪的說話和思考方式. 直子看到外面的世界是扭曲的, 其實我們也一樣, 只不過是我們能接受.

在戲院留意到Bridget Jones : Edge of Reason快將上畫. 實在很期待.

小moo去天國了~

昨天早上發現小moo一動也不動, 原來已俏俏地踏上往天國的旅途. 唉! 冇法子啦, 她都挨左好耐.

今次我又冇乜太傷心, 因為"預計"得到嘛. 前幾日我發現她的腹部變成灰黑色, 都知命不久矣. 尋晚去旺角時, 仲即時買左隻"小斑"類的鼠 (小銀孤). 買左佢我又冇即時番屋企喎, 仲走左去睇驅魔人前傳, 哈! 一路睇我一路諗實嚇到佢訓唔到覺. 不過好奇怪, 我拿住裝住"新鼠"的紙袋時, 佢就不停咁抓, 第二個拿住佢又冇抓, 好似好唔鍾意我咁. 冇法啦, 跟住個唔似樣的主人.

"新鼠"(店員聲稱)係男仔, 仲未改名.... 有人提議"小倉鼠", "倉鼠", "小鼠" (唉! 冇d創意), "小LA B"

我都諗左少少架, 例如"小肥牛", "毒鼠強", "小白"

不過仲未諗好, 如果有idea不妨email俾我喎!

I am a... thinker

坦白了~

昨天我終於坦白了~ 逃避了很久, 還是說出來比較好. 內疚, 因為其實應該更早說. 其實喜不喜歡, 真的不是這麼困難回答. 其實, 根本不會有人問"為什麼", 但我感到很怕, 總是要找理由, 像我做的每一件事都要有很大的理由去支持, 才心安理得.

周杰倫加開兩場, 不過是十一月十及十一, 應該data conversion得如火如荼, 不分晝夜.

近來有種很特別的感覺. 有點温暖, 有點不安, 但是番工的規律生活令我很累. 討厭旺角, 銅鑼灣, 灣仔. 今天到維園, 很快樂, 我假裝看不到維園外的車, 天橋. 幻想樹木大得把太陽也蓋著. 今天天氣很好, 微弱的陽光把我冰冷的手腳"解凍"了. 走了"foot massage garden", 做了一下sit up, 以時速5km/hr 圍著公園走了兩遍. 很久沒有看見這麼多雀鳥! 超快樂的中午.

好慘! HO charm~

細細個時, 成日聽大人講非洲飢民, 然後望住自己碗飽飯, 就要知道自己很幸運.

忍唔住超想睇"可憐天下父母心".... 成日聽人講好睇, 嘩! 原來Yesasia賣咁貴! 真無奈!

http://global.yesasia.com/b5/PrdDept.aspx/pid-1001833056/did-0/code-c/section-videos/

胃病

唉... 我呢兩個星期愈食愈少野, 愈來愈冇胃口. 一起身就想嘔......以為唔夠訓啦, 但今日真係嘔左出來......知大鑊啦, 咪走去睇醫生囉...... 唉! 胃病...... 開左d藥, 食左舒服好多, 冇再想嘔........

醫生完全估到我的生活習慣: "冇運動", "遲食飯早訓覺", "食完飯坐係度", "成日出街食野"

/_\ 灰...........

我希望會改善1同3啦..... 醫生話只要食完飯散步半個鐘就好好多喎......我會努力的. :D

Sleepless nights

睡不著 -- 同時出現很眼訓又失眠的困擾. 這是很奢侈的事, 但我卻控制不了. 意志也許控制到, 放工時間控制到, 但怎也控制不了睡眠. 當左腦還在劇烈運動, 埋藏的潛意識還未可以開動. 很慘.

這星期初時, 我要借左外物 -- hifi loop住來播我最喜愛的Chopin's Nocturne in E flat major來進入夢鄉. 像我這種一向不用五分鐘便睡的人, 那當然是不正常的! 但沒法子. 工作有壓力嘛. 幾十隻眼(以每人四眼計)望住我, 我唯有開盡turbo改program. 心跳得愈來愈快, 心情下沉也愈來愈快. 面上一片死灰, 心情惡劣, 連其他人也禁不住懷疑我有病. 哈! 其實是大誤會. 當我在認真工作時, 基本上和死人一樣, 死叮著螢幕, 毫無表情. 真係"阿爸姓乜都唔知"

今天唱k時, 不知怎的, 突然想起這首歌. 這首歌在凌晨時分特別好聽, 特別有feel, 我以前也在無數夜晚loop住聽著這首歌:

在凌晨

在凌晨二點十分慌張想你　吸著無法入眠的空氣
如果是夢境　也許是幻影　我想沉醉在這裡
常常會發現你在我的身旁　聽我當兵的故事很有趣
清晰的感覺　永遠不會變　而你不在這裡陪我
我忘不了你給我最當初的禮物　答應我陪我去尋找我的夢想
到頭來我不是你選擇的人　也許你是對的

小斑安息吧~

今日發現小斑去左時, 係趕住出門口番工. 當時極不冷靜, 實在太突然了. 昨天才買了一大包新的糧食, 準備下個月她才會離去的. 一邊喊一邊將小斑放在已預備好的盒子裡. 我這才看到, 她多麼的像扒在地上睡著, 一點也不像離去, 身上還有餘温, 看來是早上離去的. 當時我實在太混亂了, 什麼都沒理, 就將她"最後的家"放在垃圾袋裡. 然後跑出門口了.

跟住通知媽媽小斑已去的消息. 媽媽當然也在安慰我, 說我們已盡了責任, 她留在世上實在太痛苦了. 她是痛苦嗎? 也許是, 也許很久了. 我每次用廁紙筒把她接出來, 就是吃藥. 最後一次她吃藥時, 真巧－我摸了她很久.....比平日更久更久. 她很乖的讓我摸, 沒有逃走. 我只希望告訴她, 藥可能很苦, 忍耐一下吧.

一路上, 我也忍唔住要喊. 真的很尷尬, 但沒法子. 像有東西在喉嚨, 沒法子咽下去.

要這麼小的動物, 每天帶著這麼大的腫瘤走來走去, 也許老天爺也不忍心了, 要帶走她. 希望她在天國會快樂吧.

小斑睡著了

午飯的時候, 我打開小斑的籠, 準備叫她出來食藥. 但她一動也不動, 眼睛半合, 像睡著的樣子.

我才嚇一驚, 原來小斑已經去了.

軟尺牛

:D 係咪好cutie呢? 上星期係沙田見到軟尺牛, 同埋袋鼠牛. 即刻買左佢地.

軟尺牛就係條牛尾識伸縮六十寸的軟尺~ 好得意架.... 一按佢個肚就縮番

袋鼠牛就係letter bag :)

又係袋鼠牛

袋鼠牛正面

軟尺牛 (tail) 

軟尺牛 (front) 

小斑最後的家

今日我特意逛沙田, 希望打到一些可愛的木盒子, 或者哈姆太郎膠食物盒給小斑和小moo做"棺木". 可惜找了整個西田也打不到, 連附近的小精品點和玩具反斗城也沒有 :(

結果, 我買了一個心型盒子. 因為缺貨了, 大的心型盒只有一個, 小的還有很多個. 我唯有先給小斑買一個, 遲些才買給小moo吧. 小的盒子太細了, 她們會覺得太迫, 會不開心的.

Siu Ban's coffin (inside) 

Siu Ban's coffin (inside closeup) 

Siu Ban's coffin (front) 

小斑 & photos

小斑呢兩日身體好似差左, 不過都輪唔到我擔心了. 盡量影多d相啦. :) 呢度影左兩張.. 我技術差嘛...其實影左幾十張, 但得幾張見得下人

小moo都有影啦... 不過小moo唔係好肯見人

Eating egg roll 

Cool Siu Ban  Her cancer tumor at her bottom

肥d啦肥d啦!

今日冇咁唔開心啦. 小斑個樣好似唔知自己就快死咁, 哈!

今朝一起身, 就用毛巾捉住佢, 餵佢食藥. 佢梗係掙扎啦! 不過就冇小moo咁激烈ge, 亦冇企圖攻擊我. 只係眼珠仔好似想跌出來咁. 食完藥就有零食食番 (d藥苦卦? 要俾甜品佢架嘛). 今朝俾左好多野佢食: 士多啤梨餅, 蛋卷(2cm), 菜, 主糧, 仲有糊仔.

小斑佢咁鍾意食野, 真係"食得好食"啦. 我都想佢係天堂做隻快樂又肥肥白白的倉鼠小天使架嘛, 所以谷肥緊佢. hehe.

遲d可能搵d 人的野食俾佢... "鼠一世物一世", 乜都要試下先可以香架嘛. :)

Siu Ban gets cancer

小斑睇左醫生了. 証實係cancer....個腫瘤好大, 差唔多有五毫子咁大...... 真係好傷心. 其實做主人ge, 真係只係想佢快快樂樂, 健健康康咁做隻鼠. 無論鼠笨不笨, 靚唔靚, 可唔可愛, 都唔緊要. 佢只係一隻鼠咋, 本身都短命架啦, 何必要俾佢受咁多苦. 而家佢仲行得走得, 我盡量俾多d野佢食啦. 我諗行街果陣我會買定個盒仔for佢的身後事. 獸醫suggest我, 如果小斑太辛苦, 就帶佢番去安樂死.... 真係好矛盾, 絕對唔想佢受苦, 但係我會唔會有勇氣帶佢去送死呢? ..... 如果那一刻佢望住我, 我都唔知會點答佢好.... "我送你去死呀"

唉. 兩隻鼠鬥快離開我, 呢個世界都唔知攪乜ge!

Tarot

I've just bought a Tarot deck & book package from Paddyfield~~~ Suddenly interested in Tarot, dunno it's fun or not~~~ hehe

I'm feeling....GOOD!!!

:) 似乎冇咁肚仔痛啦~~~ 自我感覺良好!!!

仲要等多陣, 等到聽日啦, 希望放假好番!!!

又見醫生啦

好慘! 呢期都唔知做乜, 成日病要睇醫生..... 真係要作下福.

今次衰腸胃炎囉.....唉! 又係佢. 咁就冇左百六啦.....嗚~

醫生: 一陣我開d止嘔藥俾你, 飯前食
牛: 我今朝食完你上次d止嘔藥, 跟住猛咁嘔
醫生: 咦? 咁要試下打針啦!
牛: 下? 唔駛卦
醫生: 得兩隻方法o者, 唔係打針就食藥. 食藥唔得要試下架啦
牛: 咁係咪打左針唔駛嘔?
醫生: 希望啦. 再嘔就急症室見架啦
牛: -_-" 打針好!!! 聽日仲要番工架

其實, 我係食完佢d止嘔藥之後係嘔左5次....... 唔單止佢d止嘔藥唔惦. 我食過幾個醫生的止嘔藥, 一樣係咁嘔......

一陣間只可以食白粥咋....... 都係死人太和大家樂累ge~ 我阿媽打電話去投訴佢的肉x意粉有問題. 本來我都覺得太誇, 諗落, 阿媽做得好好, 等佢地monitor下d食物衛生, 少d人幫襯醫生, 醫生佢好忙架啦~

嗚~ 仲肚痛緊, 唔打字啦.

Magical cow

神奇的牛!!! :D

http://tw.news.yahoo.com/040717/39/t78c.html

Hot hot hot

今日好熱呀~

與同事賭波輸左兩舊幾, 好慘呀~~~ 唉! 本來諗住馬會翻本有望, 收手架啦.... 點知Czech Republic又冇得入final..... 唉! 算啦.

尋日買的平井堅CD聽唔到, 好慘... 唔知點解淨係可以係日本的電腦聽(隻software局我上網, 又要check下係咪日本IP) d friend個個叫我上網download番隻碟的mp3. (唔係呀化!?) 灰到爆, 本來仲諗住去Yesasia買番隻舊碟Hitomi wo tojite. 而家攪到我冇哂意慾買CD....

My hamster siu moo's last year photo 

Gotta zZZ

Still not recovered from flu :( It's already the 7th day. Never been so sick for years! The drugs make me sooo thirsty. Drinking water doesn't stop the thirst and still cough occassionally.

Haven't started reading the new book yet. It's about D-Day, just bought from YesAsia last week.

gotta sleep.