煲劇

我近期患有"考試侯群症"(exam syndrome). 簡單d來說, 患者在考試前會死都唔讀書, 做一大堆幾年都唔做一次的事.

中學時期我的病情比較輕, 中三至中六主要都係翻睇Pride & Prejudice, 間中睇埋Pride & Prejudice DVD.

而家就...真係好恐佈. 呢個月我煲左2套韓劇, 而家煲緊第3套, 仲買埋兩隻CD. 我整整一年冇睇韓劇, 冇去yesasia買碟架....

好恐佈. ~_~""

事緣上星期放學經過HMV, 見到有韓劇"秘密"DVD賣, 只係$169, 真係超值!!! 呢套野我曾經係有線睇過一兩集, 大約知講乜, 男女主角又靚, 完全係under-rate, 有咩理由賣$169咁抵.

咁就買左, 即日用11個鐘睇哂9隻DVD. 冇錯, 為左劇情更緊湊, d婆媽喊到九彩的場面俾我用32倍速飛哂, 所以只係用11個鐘睇18hours.

真係好恐佈.

跟住睇"愛上女主播". 呢套野我一般喜歡, 好的係劇情好, 綠葉好, 差的係男女配角演技惡劣. 又係囉, 飛哂d唔等駛的部分.

跟住而家睇緊守"守護天使", "秘密"個男主角Kim Min Jong做架. 睇左1/4, 因為要温書嘛.

不過其實我都有温書ge, 所有notes都睇過一次, 重要的睇左兩次, 本書都睇左60%. 不過d功課總係唔識做, 要諗好耐, 都唔知點解.

講番先, 個男主角Kim Min Jong真係超有charisma. 佢係d令人一見難忘的藝人, 比起BYJ(裴勇俊)好好多. Kim Min Jong唱歌都幾ok喎, 我係屋企搵番兩年前買的一隻雜錦碟發覺佢唱歌唔錯, 於是落order買兩隻碟. Yesasia效率真係高到恐佈, 我已經收到status=shipping的email.

唉, 點解都唔乖乖地去温書, 唉....

綠色的信封

又係星期五! 超有holiday mood呀. 哈哈! 基本上由今朝到放工都超有holiday mood囉, 哈哈!

講番正題. 今日放工check信箱見到綠色的信封, 大家估唔估到我的反應? 我當時係超開心囉! 「嘩」一聲咁大叫, 然後hehe haha咁大笑, 跟住講左一句「太好了!」 實在不難相信, 當時任何人見到我咁的樣都以為我中左廿蚊六合彩.

其實, 個封只係報稅表, 唔係稅單. 我係未報稅的. 我諗都冇乜邊個同我同屆畢業的, 又唔係失業的, 仲未報稅.

我有張宣明會免稅單架嘛, 諗住大排用場, 等左半年都未有得報稅, 真可惡.

你話幾低B, 我公司冇幫我報稅! 和我同屆的同事幾個月前一早報哂稅, 係得番我一個未有報稅表, 我又拖下拖下冇理. 兩個星期前我咪打去稅務局問囉.

CS: 稅務局xx部, 我姓黃的, ....
牛: (打左個突, 因為佢唔似一個專業的CS, 我有冇打錯電話?) 你好呀, 我想check下點解我仲未收到報稅表. 同我同屆的同事已經收到稅單啦.
CS: 你係咪o岩o岩今年畢業?
牛: 唔係呀, 我03年畢業架
CS: 你年度入息夠唔夠xxxxx呀?
牛: (唉, 講起我的傷心事) 夠呀, 我年度入息大約######呀
CS: 咦? 請問你身份証號碼
(我講完身份証後等了良久.....)
CS: 請問多一次你的身份証號碼
牛: 下? 又問? (於是我又重覆講一次)
CS: 我地冇你的紀錄喎
牛: 下? 咁即係點? 點解會咁?
CS: 或者你公司未幫你報呢
牛: 唔係卦..... 我公司冇幫我報!?!?!??!?!?!?!? 攪錯呀...... 咁我而家應該點做? 我公司有俾張form我 for我報稅架
CS: 你可以fax來稅局, 或者fax埋你公司俾你張form來作為補充資料


咁就等左我兩個星期..... -____-" 大家明白我的喜悅嗎? 哈哈!!! 我當時心入面諗: 嘩! 佢地真係有收到我張fax架原來! 哈! ~_~"

不過好快我就灰左, 份野好似好鬼難填咁

叫綿花糖的火雞

今朝睇新聞今年美國白宮的兩隻第一火雞分別叫「綿花糖」(Marshmallow)同埋「蕃薯」(Yam). 好攪笑呀!!!

有乜咁好笑? 除左個名攪笑之外, 我仲諗番起一套喜劇, 叫"年年有今日". 該戲講述一個雷電交加的晚上, 素未謀面的一對男女(梁家輝和袁詠儀)因為天氣惡劣而找渡假屋留宿, 但因房間爆滿而孤男寡女共處一室, 最終出左事. 當然他們有後悔啦, 出到市區互不聯絡. 但每年同一天他們都會回到渡假屋偷情, "紀念"這特別的日子. 整套劇就是講他們每年見面的情況. 其中有一年, 梁家輝唔知係邊度買左隻火雞來慶祝. 但陰差陽錯下, 梁的頭插入了火雞的內部而拔不出來! 就係咁火雞頭的梁家輝係間屋度走來走去, 異常攪笑.

公屋冇水冇電住三年

今日放工搭火車時睇到一則新聞, 講述一對老人家三年來不用水, 不用電, 甚至cut埋煤氣, 於是房署收番佢地間屋. 房署嚴陣以待, 派出十二人, 再加警察數名, 衝入屋趕阿婆走. 阿婆誓死反抗, 高呼無理, 喊打喊殺, 記者們的閃光燈閃過不停, 阿婆感到不適, 戴著口罩然後送院. 阿公執拾細軟去申請中轉屋, 但呢段時間又有屋住.

以下純綷個人意見. 老實講我唔係好信阿婆講的野. 真係誇, 最緊要果三樣utility都冇用 -- 水電煤. 煤唔用就唔出奇, 我都用好少啦. 唔用水唔用電三年喎. 水錶就話有mechanical的設計問題, 可以"慢慢滴"唔跳錶, 加上有free allowance o者. 電錶冇得"慢慢流", 流慢d卦.... 三年都唔用水電, 唔好話2005年, 三十年前都唔得啦....... 真係深山大野人咩. 我就真係唔係好信佢住係果度.

我覺得近年的老人家愈來愈厲害. 上訴領匯, 告房委會租金超過入息中位數, 掉垃圾落街扣滿分俾人收屋, 唔用水電煤但住係間屋. "老人家喎! 點可以收佢地間屋架!" 我覺得d弱者係度濫用緊社會的同情心囉, 唔羞恥架咩? 弱者濫用或利用社會的同情心, 就唔值得同情!

但同時今日我又睇到報紙頭條, 原來香港有好多拾荒兒童. 因為家境問題, 而要拾荒, 人工才不過每小時$2.5 . 有一個小朋友才六歲, 已有一年拾荒經驗. 當時我感到很心酸. 兩個半? 我一擲$20買雜誌時, 何曾想過別人要拾荒8小時? 當我贊助遠至我都唔知佢住邊的印尼兒童讀書時, 原來香港有些兒童好不了多少. 叫他們拾荒的家長有冇想過他們的子女長大後的自我形象會幾低? 點解佢地連去秋季旅行都要儲錢一個月?

我開始覺得社會的資源真的太浪費了. 點解可以浪費咁多納稅人的錢, 俾盧少蘭上訴, 和一班議員唱戲, 做出一場一開始就知結局的戲, 但唔可以認真處理隔代貧窮?

同一時間我又係度諗, 細個我爸爸掉低家庭, 不單止向媽媽借錢, 還時不時回家打爛家具. 媽媽在別人睡覺時上班, 別人上班時睡覺, 才賺三四千元. 我還要哮喘發作, 連續看半年診所醫生. 真係窮到冇錢開飯. 但係媽媽從來冇拿綜援, 冇叫我拾荒, 淨係叫我讀好書. 我當然有個好媽媽, 但那個帶女兒拾荒一年的單親媽媽在想什麼呢?

真音樂

http://www.rthk.org.hk/classicschannel/main_radio_cultureedu.htm

今日無意中聽左兩小時無意中今日聽左兩個多時候的舊radio節目"真音樂". 節目中主持訪問多位作詞作曲歌手等等音樂人, 尤其霑叔的部分, 真的非常精彩.

投票制度唔公平!

今日星期二, 夜晚又要番學, 其實都幾累, 不過番學真係好開心. 今日上課講 Voting Protocol, 講幾個公平的條件, 然後逐一protocol去討論. 發覺原來無論一人一票, 淘汰制, 計分制, 多循環等等全部都唔"公平". 最攪笑係, 有理論証明冇protocol係絕對公平. 今日上完堂, 我亦深深同意香港立法會用的比例代表制真的算是最公平的了.

最近睇捷克作家Milan Kundera的《不能承受生命之輕》, 書中主角重覆又重覆地想著幾句文字:

• "Es Muss Sein!" (非如此不可!) ;
  
• "Einmal ist keinma" (只發生過一次的事等於沒有發生過);
  
• "這個世界賴以力足的基本點, 是回歸的不存在"
  
• "隱喻是危險的, 一個隱喻播下愛的種子"
  

每次看到這幾句, 尤其是第三句的輪迴論, 都令我很震撼. 由於中左毒的關係, 今日上堂Professor Leung係度講: "假設呢個投票機制係一次性的, 事先不能知道結果, 永遠不能再來一次改變結果, ...." 我就不期然想起"Einmal ist keinma". (真係中左毒)

---
尋日放工路過家樓下的7-11. 當時已經是晚上九時多, 但竟然有好多報紙剩下!!! 可想而知報業的慘況. 我買了信報 -- 那是當時唯一我想看的報紙. 廿幾年來我只看了幾次信報, 連信報是財經報章都唔知, 但唔知點解當時我很想看. 由於是財經報紙, 裡面盡是政界, 財經評論等新聞, 但出奇地好看! 任何事情都是相對的, 咁即係平時睇的報紙幾冇內容...

其中有一篇評論國內的企業不應著重銷售數字, 而應著重提高利潤. 它用了一個比喻, "聽說同行的報紙竟有一斤重!" 作者於是奇怪正常的讀者怎麼可以有每日最少花兩小時去消化一斤重的報導? 作者認為好的報紙應力求精簡, 不應割價求售. 要看這種大件夾抵食的報紙, 或者免費報紙的, 都是貪便宜一族(我! 仲要埋紙巾添). 國內企業能不能做到提升一層, 就很視乎國內人民的"質素"了.

---
上星期看Time一篇訪問Steve Jobs的報導, 講述為何Apple堅持主導整個生產工序, 非常精彩! 又一次証明只顧降低成本未必有好處!

Il Divo

前兩日放學後去HMV試聽和買CD, HMV的碟相比以前動輒百二蚊平好多! 今次買的係叫Il Divo的樂隊. 怎麼說呢, 又係一隊商業計算的組合. 四個來自不同國家 瑞士, 西班牙, 美國, 法國的年青人, 用聲樂來翻唱十幾首耳熟能詳的歌曲.

又精選? 咁有啥特別呀? 冇架, 西班牙文算唔算?

原來《生命不可承受之輕》有電影版架! 睇casting個list女主角係出名演員, 應該會幾好看. 本書睇左一半有多, 好好睇!!!! 繼《海邊的卡夫卡》後又一小說令我非追看不可. 呢個作家Milan Kundera真係好厲害!

今日工聯會有人打來, 初時仲諗, 呢輪冇投票, 無啦啦打來, 應該唔會追交會費卦? 原來係提醒我今個星期要番學日文中班. 真係灰, 佢唔講我都忘記左星期日有堂要上. 都走左咁多堂, 唔爭在啦!

唉, 近來生活真可憐. 除了工作壓力大了之外, 還有家裡的東西破舊不堪. 天呀! 快d俾我中六合彩啦!!!! 我好等錢駛. 屋企的電視機真可愛, 一時塊面通紅, 一時又面青青, 好明顯個cathode ray tube燒壞了, 睇怕都挨唔到半個月. 跟住厠所沖廁制又壞左, 我冇得沖廁呀!!!

我最怕就係呢d. 獨居的好處就係冇人管, 好自由! 想幾時玩幾時訓都冇人理. 壞處就是生活所有事都要自己理. 無論是補衫, 改褲腳, 買日用品, 交雜費, 洗衫, 廁所壞左, 乜都要理. 好煩~

快d俾我中獎啦

Nash Equilibrium

:) 今日上課教左game theory的皮毛, 很有趣! 忍唔住睇下wiki.

Solved board games

中國文化要義

開左學已經兩個月, d notes仍然四圍飛. 上星期"的"係心肝執左個舊file出來, 將file入面的舊notes全部回收做食飯"jin"枱紙.

尋日食食下飯睇下d "jin"枱紙. 好值得懷念! 係通識教育曾傑成的「中國文化要義」notes. 好在用左的jin枱紙只係我筆錄上課內容的notes, 曾教授編寫的notes仍然完整無缺, 忍唔住重看一次!

我自細中文都好差, 作文冇組織力, 作句又多錯處, 背書默書又捧蛋. 多年來的"積怨"在會考完畢時一次過清算, 當時我將中文書逐頁撕爛, 掉入直去堆田區的垃圾桶 (連回收的價值也沒有).

中六中七的文化課令我對中文不再敵視, 而上曾傑成的「中國文化要義」令我覺得中國文化亦有可取之處. 我很記得, 當時我是100%出席, 而上課變成一件樂事, 並不是因為交了學費, 或者要簽到而上課, 而是真的真的很想上課.

講番份notes, 曾教授真的很用心去整理份notes. 封面的一頁是中國朝代變更圖. 坦白說, 我不知道有那麼多朝代. 原來有"後周"的! 還有兩個"宋"朝.... 哈哈! 看份notes簡直好像看世界地圖, 不停發現新大陸!

好懷念以前的CU.Forum:
http://hk.geocities.com/ffyun/newsgp.htm

>_<  經過火車站時又被游說申請信用咭.... 你看! 贈品turtle幾咁無奈! 已經係第4次"扮"申請星展銀行信用咭, 永世唔交齊資料呃贈品, 星展應該已經放左我入blacklist, 永遠ban我唔俾我申請.

唉! 為左幫d counter sales, 我咁做, 實在好唔o岩.... 你話幾離譜, 呢張仲係ESSO的咭, 上次係shell, 今次esso.... ~_~" 我連買生油都冇錢....

青BB turtle將會在我家中的梳化爬行, 直至另行通告.

講開又講, 佢係turtle定tortoise? 唔識分....

Milan Kundera 不能承受的生命之輕

尋日去愉林書店買了這本書. 經常聽到此書名, 卻從來不知是什麼類型的書, 關於什麼, 作者係古代定係死左幾年(唔知點解我assume佢死左).

幸運的是原來這本書是一本小說. 我向來對小說來者不拒. 無論是任何內容的, 小說嘛! 看不明白就當普通故事看好了. 書的內容關於生命的輪迴, 輕與重. 暫時係知咁多, 我睇左幾十頁咋! 作者Kundera係現代的, 唔知死左未.

我睇到一句句好有趣的statement:

• 在翻閱一本關於希特勒的書時, 我被其中幾幅他的照片所觸動......與希特勒的這種和解, 暴露了一個建立在輪迴不存在之上的世界所固有的深刻的道德沉淪, 因為在這個世界上, 一切都預先被諒解了, 一切也被卑鄙地許可了.


• 當負擔完全缺失, 人就會變得比空氣還輕, 就會飄起來, 就會遠離大地和地上的生命, 人也就只是一個半真的存在, 其運動也會變得自由而沒有意義.


• 人永遠都無法知道自己該要什麼, 因為人只能活一次, 既不能拿它跟前世相比, 也不能在來生加以修正......... 沒有任何方法可以檢驗那種抉擇是好的, 因為不存在任何比較. 一切都是馬上經歷, 僅此一次, 不能準備....... 只能活一次, 就和根本沒有活過一樣.

November's Chopin

唔太喜歡商業化的Jay... 怎麼說呢, 成日將自己定位有外國的感覺, 他根本不是嘛!

不過討厭還討厭, 他的歌都有一貫的水準 -- 不過不失, 冇d突破.

較喜歡的是track 3 (髮如雪), track 5(四面楚歌)

前一陣子去HMV買了兩隻CD回來, 都唔錯, 一隻係The Corrs的"Home", 另一隻係James Blunt的"Back to bedlam". 兩隻都唔錯. 尤其係Home, 基本上我日日loop住聽~~~

尋日路經旺角新之城, 見到播魚魚的演唱會DVD. 超開心!!! :D 當時佢唱緊"接受"! 好好聽!!! 都係尋日, 係朗豪坊地窖的電器舖, 見到d電視播魚魚的DVD. :D :D :D 呢d絕對唔係偶然!!!!!!!!!!!!! 魚魚惦!

cow cow

Copy一則只蘋果日報的新聞:

醉 客 扳 倒 牛 牛 不 可 信

住 在 外 國 鄉 郊 地 區 ， 不 時 會 聽 說 誰 和 誰 某 夜 喝 了 點 酒 後 惡 作 劇 ， 將 一 隻 站 的 牛 扳 倒 ， 令 牠 四 腳 朝 天 嚇 一 大 跳 。 不 過 ， 牛 牛 們 大 可 放 心 ， 加 拿 大 科 學 家 經 過 計算 後 指 出 ， 這 些 故 事 多 半 只 是 虛 構 ， 因 為 要 將 牛 扳 倒 ， 其 實 非 常 困 難 。

除 非 牛 站 不 反 抗
卑 斯 大 學 動 物 學 家 利 利 和 她 的 學 生 伯 克 勒 爾 計 算 後 發 現 ， 一 隻 高 約 一 點 五 米 的 牛 ， 只 要 兩 人 合 作 就 可 將 之 扳 倒 ─ ─ 如 果 牛 像 子 般 站 不 動 不 反 抗 的 話 。 「 動 作 要 快 ─ ─ 要 在 牛 有 反 應 前 ， 令 牛 失 去 重 心 。 」
另 一 個 問 題 是 如 何 在 神 不 知 鬼 不 覺 之 下 ， 接 近 牛 隻 。 因 為 牛 跟 馬 不 同 ， 不 會 站 睡 ， 只 會 打 盹 ， 因 此 牠 很 易 驚 醒 。 利 利 說 ： 「 我 聽 過 不 少 人 嘗 試 扳 倒 牛 的 故 事 ， 但全 部 失 敗 ， 原 因 不 是 人 手 不 夠 ， 就 是 太 吵 。 而 且 當 時 他 們 大 都 醉 醺 醺 。 」
英 國 《 泰 晤 士 報 》

d人真係可惡呀! 竟壞心眼對牛打主意! 牛牛們要加油!

好難聽!

呢輪成日聽講楊丞琳隻碟好hit, 點樣砌低魚魚(梁靜茹)隻碟, 攪到魚魚要轉主打歌. 講到連魚魚都砌低, 梗係要聽下. 平時我好少download mp3, 通常都係買cd... 嘩! 真係好彩冇買到.... 難聽成咁!!!! 個首咁ge「曖昧」悶到我訓著咁滯. 咁的歌都可以做主打!!!!

首歌melody好悶好普通, 佢唱得好差, 又或者監製做得唔好啦, 總之首歌一d都唔好! 唯一係MTV幾靚. 我都唔明, 此等次貨有咩理由會好賣過魚魚隻「絲路」, 唔好話絲路, 連魚魚第一隻碟都惦過佢啦!

前兩日去new way, 發現揀台灣女歌手, 第一頁"01"係魚魚! 勁呀!!!! 呢d咪係實力囉....

唉!

呢輪好悶. 冇拖拍, 日日自己一個人食飯, 行街. 慘到連想睇"黑社會"都冇人陪..... 唔係王家衛呀! 連主流電影都冇人肯陪睇....唉

雖然一個人睇戲試過好多次, 但係真係好灰, 係叫極都冇人理.....

今日發起的唱K行動, 搵左企鵝, Kenny哥哥問我仲諗住搵咩人. 真係灰! 冇人理囉, 仲可以有咩人? 個一刻我完全覺得如果係屋企暈低左, 肯定下年先會有人發現, 雖然都只係兩個月唔夠....

唉! 做人失敗得我呀, 搵個朋友都冇.......

P.S. 有個同事見到小松鼠和牛玩搖搖板的相, 幾乎唔駛諗就話: "咦! 好似隻牛重d喎..." 嘩! 觀察力強呀! 我一直冇留意, 如果有留意就已經photoshop執左啦! 作為一隻牛, 俾人發現我重咁多.....唉!

小王子

今日偶然地重閱小王子. 怎麼說呢, 我從來不會想起要打開這本書, 但一開始閱讀就會感到很快樂. 一個又一個小星球上古怪的"人類".

其中有兩個是我最難忘的, 一個是每分鐘都日落, 每分鐘都點燈關燈的可憐人. 另一個是忙於數星星的人, 他認為每數到一粒星星就等於擁有一粒星星. 對於數星星的人, 小王子最後說:

"I myself own a flower," he continued his conversation with the businessman, "which I water every day. I own three volcanoes, which I clean out every week (for I also clean out the one that is extinct; one never knows). It is of some use to my volcanoes, and it is of some use to my flower, that I own them. But you are of no use to the stars..."

The businessman opened his mouth, but he found nothing to say in answer. And the little prince went away.

好多款式的南瓜燈! :)

^_^ Lovely squirrel toy 

Cow & Squirrel on seesaw!!!  

Sodoku

有人話「數獨」(Sodoku)係浪費時間, 因為電腦program可以解決. 我梗係話唔係啦. 呢個世界有咁多野"無聊"野, 我地都成日做架, 又唔見我地會覺得無聊?

佢呢個講法, 令我諗番起中七有一位同學的說話. 她話: "我從來唔玩電腦遊戲架, PC Game係人類寫出來ge, 即係低一層智慧, 點解要浪費時間投入自己整出來的'幻像世界', 同d假的人鬥智鬥力? "

兩種講法, 都係認為人類智慧非凡, 光陰寶貴.

真係"bear"一聲. 雖然我成日扮品味高, 聽外國音樂, 唔睇千嬅的戲. 但係實質上我個人唔係咁清高, 我真係覺得sodoku好玩, 打機好開心.

我覺得, efficiency唔係大於一切. 例如, 在有生產線的年代, 我們仍然很喜歡自製的蘿蔔糕. 又例如海底隧道通車廿年, 但我們仍喜歡搭渡海輪. 咁點解電腦可以解決的問題, 我地要用個人頭豬腦去解決?

係呀, 我講野係冇point, 講來講起都係"覺得".

好奇怪, 我呢個朋友一話唔鍾意數獨, 我有超大反應, 發狂鬧佢. 但同樣我有另一個朋友佢唔鍾意數獨, 我卻認為很正常, 因為佢的理由係"玩得多好悶, 玩兩玩就solved, 冇d意思".

因為我討厭人倚賴電腦. 我就係鍾意用紙筆玩的sodoku, 玩錯一步冇電腦提示, 玩完要睇answer book. 貪佢夠原始, 玩的時候要苦思.

有咩野係電腦解決唔到, 人類要自己解決? 大把.
有咩係電腦解決到, 人類就唔駛解決的? 亦大把.

讀書時都學過, 點解要電腦化, 老吹永遠答案都係: 減少成本(炒人), 有效率d (人腦慢), 減少重覆工序(人怕悶). 冇架喎, 我覺得任何野冇絕對.

在沒有怪獸出沒, 沒有提心吊膽的年代, 我們會走入海洋公園, 玩玩機動遊戲嚇怕自己.
在最電腦化的年代, 我們也有渴望用紙筆的時候. 冇架喎, 點解? 唔知.

Murder on the orient express

尋日出開去尖沙咀, 吃了個怪怪的午飯... 我遲d讀part time master尋日攪左個"orientation". 地點係新港中心, 呢個商場地下有個food court. 其中有間新加坡食店, 我叫了一個"肉骨茶餐". 天呀! 成碗湯送飯..... 湯入面得幾舊冇肉的豬骨....... 嗚~~~~~ 成五十蚊, 得個淨湯飯食..... 唯有搶人的餸食, 唉~~~~

最近買左套Hercule Poirot 劇集DVD (大陸版), 其中"尼羅河之死"好好睇呢! 呢套偵探系列DVD有8個package, 全部係唔知英國邊間公司拍的... 但係唔知點解冇我最想睇的"東方快車謀殺案"... 結果俾我搵到! 原來呢個novel有拍電影的, 196x年, 同埋1973年. 有電影梗係買電影啦, 點都好睇過電視版...... 不過呢d咁舊的片, 睇怕淨係得外國購物網站或者HMV至有. 外國網站都好平, 只係9蚊美金, 但係運費佔6成, 要另加$6蚊...計落都好唔抵. 於是去hmv碰運氣. 真係好彩! 俾我搵到, 而且只係$64蚊咋....... 平成咁, 原來因為冇字幕. 冇所謂啦! 本書睇過N咁多次, 講俄羅斯語都冇問題啦! 於是我就買左...........

點知....... 原來真係好大鑊!!! 我忘記左Hercule Poirot係比利時人....... 電影版真係忠於原著, 搵個唔知咩演員扮Poirot...... d比利時accent的英文真係好大鑊!!!!!! 唉 尋晚睇睇下係梳化訓著添, 灰!

剛剛玩左一個鐘Dungeon Siege 2. 天呀! DS2真是一個超級癈game.......... User interface真係差到不得了....... 幹嗎不弄得簡單易用一點? 個journal整到成本書咁.... d completed quest你仲show俾我睇仲乜....... 都唔知佢點攪ge........................ 最衰個樣都係d畫面唔俾我skip....... d character又醜樣...... 得4,5個樣俾我揀........ d怪物同好人都分唔到樣......個個都生到成隻怪物咁......... 仲有呀! 隻game"懶"係RPG咁, 你同個"好人"講野, 佢逐個alphabet打出來...... 天呀! 你成句成句出啦.......... 想睇快d都唔得

Girl with a pearl earring

尋日買左呢隻"畫意私情"舊片的DVD. 點講呢, 其實我好早之前一見到隻碟, 就好想買. 但唔知因為什麼原因沒有買... 拖下拖下到尋日終於買左.

結果今日睇左套戲, 比我想像中好睇. 畫面好靚~ 個故事都唔錯, 演員亦好好. 去imdb.com見到有個「找錯處」的section, 好攪笑: http://www.imdb.com/title/tt0335119/goofs

今日亦睇左幾集沉睡森林. 我覺得個故事唔錯, 畫面超靚, 超有美感, 但嫌節奏太慢, 所以跳到最後睇結局, 哈哈! 呢套野其實故事冇乜特別, 但真係好靚...... 有機會要搵番個DVD來睇... BT下來那個太差quality la

56 cents / hour

剛看到一篇文章:
http://www.1up.com/do/feature?cId=3141815

有很多人討論這篇文章, 大家都在說一個月$150 (USD)養活一家好可憐.... 怎麼說呢, 這種怪胎的行業, 一日12個小時不停打機, 是怎樣的生活呢? 太恐佈了......

老鼠愛大米

今日唱K第一次完整咁聽"老鼠愛大米". 好好聽呢, 所以買左隻碟番來.... 但其他歌似乎質素好差

好厲害的FCKeditor!

September in 1752

$ cal 9 1752
   September 1752
Su Mo Tu We Th Fr Sa
       1  2 14 15 16
17 18 19 20 21 22 23
24 25 26 27 28 29 30

Nobody knows it but me

今晚個腦成日諗起幾句chorus... "days are so sad", "keep thinking about"... 但又死諗唔起咩歌~~~ 但又超想聽首歌

結果猛咁諗下記憶, 竟然潛意識下諗得起多d, 然後google搵到首歌! Google超強!

Babyface - Nobody knows it but me

I pretended I'm glad you went away
These four walls closing more everyday
And I'm dying inside
And nobody knows it but me
Like a clown, I put on a show
The pain is real even if nobody knows
And I'm crying inside
And nobody knows it but me

Why didn't I say
The things I needed to say
How could I let my angel get away
Now my world is tumbling down
I can say it so clearly
But you're nowhere around

Chorus:
The nights are lonely
The days are so sad
And I just keep thinking about
The love that we had
And I'm missing you
And nobody knows it but me

I carry a smile when I'm broken in two
And I'm nobody without someone like you
I'm trembling at night and
Nobody knows it but me
I lie awake it's a quarter past three
I'm screaming at night as if
I thought you'd hear me
Yeah my heart is calling you
And nobody knows it but me

How blue can you get?
You could ask my heart
But like a jigsaw puzzle
It's been torn all apart
A million words couldn't say
Just how I feel
A million years from now you know
I'll be loving you still
Chorus:
The nights are lonely
The days are so sad
And I just keep thinking about
The love that we had
And I'm missing you
And nobody knows it but me

Tomorrow morning I'm hitting
The dusty road
Gonna find you wherever
Ever you might go
I'm gonna unload my heart and hope
You come back to me
Said when the nights are lonely...

Chorus:
The nights are lonely
The days are so sad
And I just keep thinking about
The love that we had
And I'm missing you
And nobody knows it but me

By the way, 前兩日早上搭火車聽到兩個學生係度講起魚魚. 佢地異口同聲話梁靜茹唱歌好好聽, 個首"如果有一天"好好聽. 嘩! 聽到之後真係超開心. 魚魚惦就係人都知, 但竟然隨街都聽到有人讚, 真係超級開心. 個一刻真係好似有個大太陽照住隻牛咁, 超開心.

魚魚的演唱會

雖然我不是天主教徒, 但優秀的傳統習慣是應該保持的. 星期天, 我當然也會休息一天. :P

休息期間吃的東西也要從簡, 早餐吃麥皮. 尤其經濟据掘, 當然吃不起價錢較貴的"桂格"燕麥, 因此不會把心臟或血管的膽固朜吸走. 真是可憐~ 為什麼窮人的健康特別受苦, 窮人的脂肪怎麼辦?

休息期間一邊吃平價麥皮, 一邊看魚魚的DVD. 媽媽初時也讚她唱得很好, 比嘉賓周華健還要好. 這個當然啦, 滾石一姐咁易做咩. 阿媽都幾好記性, 話深夜時間電視睇過梁靜茹演唱會首"掌聲響起"好好聽. 一聽, 真係喎, 走音喎...!?-_-" 原來呢次係魚魚出道六年第一次收錢的演唱會, 魚魚感動到喊, 幾乎唱唔到落去, 大家都俾好多掌聲鼓勵佢.

見到魚魚呢一刻咁開心, 雖然只係睇DVD, 我都忍唔住喊. 魚魚雖然唔係好大年紀, 但十七歲便離鄉別井, 放棄一切, 到一個完全陌生的環境追尋夢想, 向理想進發, 當中的辛酸真係不足為外人道. 尤其到電台訪問時, 經常提及的"消失的第一張碟". 魚魚每次都輕描淡寫地說"勇氣"不是第一張碟. 第一張碟"一夜長大"在地震期間推出, 當時沒有人留意. 當時的魚魚用了兩年時間, 千辛萬苦, 辛苦得幾乎要放棄, 來準備的大碟, 就這樣埋在瓦爍之中.

真想那一刻在現場, 親身感受一下. 魚姐要加油呀, 等我儲到錢, 一定到台灣看你的演唱會!!!

掌聲響起 (魚魚給在天堂的父親的歌)

孤獨站在這舞臺
聽到掌聲響起來
我的心中有無限感慨
多少青春不在
多少情懷已更改
我還擁有你的愛
好像初次的舞臺
聽到第一聲喝采
我的眼淚忍不住掉下來
經過多少失敗
經過多少等待
告訴自己要忍耐

掌聲響起來我心更明白
你的愛將與我同在
掌聲響起來我心更明白
歌聲交會你我的愛
掌聲響起來我心更明白
你的愛將與我同在
掌聲響起來我心更明白
歌聲交會你我的愛

餐廳侍應

http://hoplay.com/game/loadinggame.php?id=5624

魚魚好靚呀!!!

今日魚魚(梁靜茹)係西九龍中心舉行左一場簽唱會. 作為一個小小的歌迷, 我沒有參與其他組織, 只是到現場默默支持魚魚. 現場有一個小型的counter, 放了三款碟給支持者索取魚魚簽名. 三款都是魚魚最新的演唱會大碟 -- "愛的大遊行" LIVE記錄CD, DVD, VCD. 我初時只買了DVD, 後來再實在忍不住, 連CD都一併買了.

活動遲了十五分鐘才開始. 魚魚一出場大家(很多人呢!)都哄動了一會. 我終於明白生得矮的壞處了 >____< 只能在人頭堆跳來跳去來看看魚魚的樣子. 魚魚本身人靚, 再加上今日有個超美的髮型, 以及超涼快的背心裝束, 好靚呀!!! 大家都忍不住"wooo"左一陣.

魚魚先唱了兩首歌, 分別是好rock的"燕尾蝶", 和魚魚KTV熱播榜的"勇氣" (我次次唱K都唱至少一次架!). 跟住有個小小抽獎活動. 沒抽獎命的我有一點點失望 /___\.

然後魚魚再唱了兩首歌, 分別是分手快樂和一首我不認識的新歌. >____< 真係唔識呀....冇法子. 不過魚魚的歌藝真的好到不得了, 超好聽!!! 尤其係燕尾蝶, 表現得超級好!

魚魚好快便和電子傳媒做訪問, 然後便替我們簽名了. >_< 簽唱會的人說每人只可以簽三個名... 我只有DVD可以簽名, CD 不可簽了 >___< 沒法子啦, 咁多支持者, 魚魚快手都累壞了.

^______^ 當時我超開心呢, 超近距離和魚魚見面, 還可以握手.......超級的開心!!!!!!!

我正在儲錢, 希望不久的將來可以到台灣看她的大型演唱會!!!

Impressionism

香港藝術館展覽的"法國印象派"展覽快要完結了, 我和Steven於是一起去看. 我本身都預期會有好多人, 但冇諗過有咁多人, 打哂蛇餅, 排到文化中心咁滯. Steven也說得對, "香港人幾時咁有文化氣息?" 不過我自問一d 文化都冇, 都照去啦! 一生人有幾多機會睇到d咁ge畫. 去歐洲旅行睇博物館, 咪又係睇呢d!!!!

雖然我唔知咩係印象派... 但就覺得佢比傳統果d畫靚好多, 生動好多. 我買了一本小冊子, 入面有齊咁多幅畫的縮圖, 只係$17, 又靚又抵!

我地由排買飛--到排檢查袋--到排隊睇畫, 前後等左兩個幾鐘, 真係等到唔想睇.

雖然係咁, 入到去真係好開心. 第一幅就睇到最貴果個幅啦! 以前報紙講果架呢, 馬奈(Manet)的"吹短笛的男孩" (The Fifer, 1866). 由於佢咁貴, 我望左幅畫好耐. 哈!

其實成個畫展, 我最鍾意Edgar Degas的"咖啡館", 同埋"舞蹈課". 呢兩幅畫真係好生動.

行完咁耐, 我竟然走左去銅鑼灣個吉之島十蚊店度買野....間十蚊店大到好似沙田間宜家咁, 行到死死下. d無聊的家用品最o岩我架啦 ^___^. 我買左好奇怪的東西: 抓背背按摩器, 翻泥土器, 食物吸濕器, ... (好古怪!!!)

復活節完了~

春天的天氣令人懶洋洋~~~ 懶洋洋的伸懶腰, 打呵欠. 而我隻鼠卡樂B就懶洋洋的吃士多啤梨蛋卷(他是不能吃薯片的, 會肚子痛). 去北京旅游的相還未整理好呢....沒法子啦, 懶洋洋嘛....

唔想打字了.... 睡個午覺先

夾公仔

我公司附近有幾間細舖頭有夾公仔機. 夾的都是不太吸引的公仔, 但勝在價錢夠抵, $2有一舖. 我夾公仔非常水皮, 試過兩次個夾都未移動過就夠鐘.... 我d同事於是就取笑我, "兩蚊掟落咸水海都有dum dum兩聲!!" 終於上星期我成功夾到一隻細帽子. 簡直令我興奮.

不過隻帽子太細了, 我的真倉鼠一定不願戴這隻帽子, 唯有放在哈姆太郎頭上吧! :P


超可愛 


非常可愛 

市道好左?

剛review contract, 其實同想像中差唔多, 冇得加人工啦. 其實人工又唔係一定要猛咁加, 但係考慮到想讀書的關係, 可能會搵份人工高d的工. 不過最快都係下個月的事了....

收到email教將hotmail mailbox upgrade去25mb (幾乎打左256, 真係IT人的職業病) 的方法, 我試過又真係work~ 大家不妨一試.

Hotmail信箱由2MB合法激升至25MB！
希望這資料可以幫到有需要既人！ 得2MB實在唔太方便！
Hotmail信箱由2MB合法激升至25MB！ 雖然有GMAIL 1GB信箱，
但MSN用戶多數都會用HOTMAIL/MSN信箱，
如果想升級請看看以下步驟！
p.s.雖然已經試過不會刪除信箱內的信件，但為保障安全，請先備分你的重要信件。
登入 http://www.hotmail.com
按下【選項】（在條ｂａｒ近右邊） 按下【個人】
按下【更改個人資料】
於【國家(地區)】一項，改成【美國】
然後選【佛羅里達州】 郵遞區號】鍵入【33332】
按【更新】 按【繼續】 按【登出】 登入
http://memberservices.passport.net 按【關閉我的.NET
PASSPORT帳號】

填入電郵地址及密碼，按【登入】 按下【連絡HOTMAIL】
按下【關閉我的帳號】 登入 http://www.hotmail.com
按【啟動我的帳號】 完成！郵箱勁升至25MB！
以上步驟經糖糖測試已經成功。
然後你可以到選項更改返個人資料為香港特別行政區都唔會影響已升級的25MB。
再等待約一個月微軟會幫你自動升級至250MB！

年初二

年初二

每年年初二, 幾乎都一樣, 夜晚飯會到我婆婆家吃飯. 不過, 近年因為老人家年紀大, 造菜會很辛苦, 都改為去酒家吃飯. 今年去了明星酒家. 老人家真的很誇張, 預約時間是六點至八點, 才到五點便急急腳到酒家, 因為"快點吃可以快點看煙花". 我們選的套餐送一盒值$300的海味禮包, 理所當然歸婆婆所有. 果然很大盒, 老人家立刻想把禮品包分給各個子女, 這個分冬菇, 那個分花膠. 就這樣在酒樓你推我讓了很久. 我當然覺得很悶啦.....唉... 不過竟然食飯時聽到一個有趣的故事.

我的公公的哥哥(伯公?)的老婆數年前已經過身. 原來在這之前, 他還有一個太太的. 這個太太和他一起從家鄉寧波出發, 到大城市上海去. 可是這個太太在上海認識了一個飛機師, 就這樣丟了丈夫, "跟佬走". 可惜好景不常, 這個飛機師似乎是個花花公子, 很快便和"太太"一拍兩散. 於是太太隻身回到寧波, 誣蔑伯公在上海把她賣了. 伯公於是受罰. 最後怎樣就不知道了. :P 情節有點老套, 像粵語殘片呢!

卡樂B仍然很肥. 新屋太舒服了, 令他更加不肯出來跑步. 為了令他減磅, 我在他的食物中加了較多份量的菜, 減少了甜品 :D

Study?

係度諗緊再讀書.

以前我會覺得, 我會永遠這麼喜歡電腦, 喜歡學習. 所以, 遲些讀和早些讀, 可能只是年紀大腦筋沒有那麼靈活的問題.

但實際上, 我覺得, 這狀況有點改變. 首先是, 我已習慣上班的日子, 我開始不再對coding有那麼大的熱愛了. 不是說我不喜歡寫program, 只是programming最有趣的東西, 根本不在電腦語言上, coding和thinking是兩碼子的事.

日常用到的是最表面的東西. 可以計到加減乘除, 出到東一個list, 西一個report便成了. 用SQL hardcode不就行了, 寫什麼program呢, 只用一次罷. 我慣於用vim來做editor, 同事對我用vim的熟習非常詫異, 有點像看關在籠子的動物. 的確如此, 那會有人在Windows用vim來開普通的文字檔!? 第一次跟著同事去開會, 看到那些users之後, 我就更覺得, 有些知識是用來欣賞, 用來提升思考能力, 日常是用不著的.

最近有同事開玩笑地問我們, "可以唔寫code好唔好?" 當時我就大大聲話:"好!" 不過事實上的確如此. 寫code好悶的.

於是我更覺得, 當越走越遠, 我有一天不會再想讀書了. 那是我不願看到的事.

很矛盾, 今日上網看了課程description. 難聽d講句, 肯定某些考完試過一星期, 什麼都忘掉.

田中卡夫卡

:) 看完了. 很好看的一本書. :)

:) 休息中

好久沒有休息了. 工作上的"資料轉換"已經做完, 當然一如所料有少許問題, 但整體上問題不大啦! 我負責轉換水錶同埋地址. :) 所以大家要多點留意新水費單上的水錶號碼有冇錯, 又或者收唔到水費單的話... 咁可能係地址有問題. :P

而家係一個好悠閒的星期天下午, 係一間極凌亂的房間聽緊陶吉吉的音樂. 其實我計算過, 每年我間房整齊的日子大概有一星期, 即年初二起的一個星期 (屋企太亂了, 由年三十執到年初一都未完). 所以其實我極習慣凌亂的環境, 覺得極有"家"的感覺. 講番吉吉隻碟... 我唔好明佢個主題"太平盛世"講乜, 聽左一次都幾好聽. 有首歌"Catherine"好特別. 我心諗, 又好似Katrina咁? 原來首歌唔係佢作, 係佢一個fans將自己的創作放在網頁上做background music. 吉吉聽後愛不釋手, 借了來用. 首歌好似Melody咁, 係"分手"歌~ 簡單但幾好聽.

係我做"資料轉換"的日子, 日日都係住酒店. 為左我隻鼠"卡樂B"唔好挨餓, 我放左五至六日的糧食, 基本上成個屋仔二樓有成座山的食物. 有一個星期日, 我阿媽打俾我:

媽: 我番左屋企呀
我: .....喔...我訓緊覺
媽:........ (聽唔到佢講乜, 太眼訓).....
我: 有冇照顧隻鼠
媽: 有呀, 佢好肥大呀! 仲大隻過老鼠斑呀! (按: 老鼠斑即我死去的倉鼠女"小斑")
我: 邊有咁誇張呀, 我俾左好多野佢食, 但佢冇可能發脹到好大隻ge
媽: 我俾左好多野佢食呀...... (跟住我聽唔到了, 又訓過)

結果兩日後我番到屋企, 嘩!!!!!!!!!!!!!!!! 真係好肥大. 個面好似sphere咁, 個身好多肥膏. 我即刻迫佢做運動. 放佢係個大盤入面, 入面冇食物, 冇床仔, 佢跑左一個鐘轉轉, 相信可以減唔少gram, keep番個鼠仔身型.

睇左誘心人, 都幾好睇. 唔知點解香港冇乜戲院上..... 可能純劇情片冇市卦.....