Computer Science

星期二晚上課, 和上一講一樣, professor不時大話西遊~~ 有同學不太喜歡, 說難聽點, 好像有點"呃學費". 我倒是不太介意 (反正更呃學費的都上過). 反正照講那些課本內容多無聊, 老實說有幾多會真正有用? 倒不如聽一些其他東西.

Professor提到近年的Computer Science本科生收生質素每況愈下, 在整個大學中排尾幾. 其他大學的收生更惡劣, 竟然大部分的學額由副學士生填補. 在此同時, 人人都爭讀金融, 人人造夢要入Morgan Stanley. 真令人感慨! 曾幾何時, 我當年選科時, Computer Science是熱門科目, 排名也和Computer Engineering相距不太遠. 雖然不算是精英, 但算是中上. 聽到這個消息當然不太開心. 但現實歸現實, 大學這個象牙搭始終要和供求社會接軌. 沒人選就自然要收少一點學生, 委縮也沒辦法.

Professor認為, 這個現象很快會取得平衡, 當這一陣子的金融泡沫爆破, 意味著香港的地位給上海取替, 應該會有較多同學讀回電腦科目. 這讓我想起兩點. 第一, 我記得讀書的時候, 老師曾說過, 認為在十年內香港的金融地位不會被上海取代, 但十年後就難說. 算算日子, 十年早過去了. 我覺得急速取代中, 這日子絕對不遠, 可能連四, 五年都不用? 現在很多人趕去讀的, 當讀出來, 好可能已經不中用了. 就算多好景的行業也一樣. 第二是, 在上一次的同學聚會, 有一半同學已經轉行, 不再做電腦. 如果嚴格些選, 真正做 資訊科技行業的, 即純IT, 不是在其他行業做電腦的, 可能10個也不到. 這是收生問題嗎? 不是. 這是資訊科技的工不夠嗎? 不是. 是我們離開了那個行業. 我們根本不願花青春在科研, 沒把握的行業上. 如果沒有金融業的支持, 我認為只會更少人選讀IT.

我記得, 我初時畢業時還以為讀Computer Science會有較大的優勢. 寫一個較優質的program, 別人行出來的要10秒, 你用2秒, 不是更好嗎? 做事不久便發覺, 事實是, 根本沒人會理會. 你跟別人說Big-O, Travel salesman problem, 別人也不明白你在說什麼. 當然, 那是一個訓練抽象思維, 邏輯推論的過程, 在極端的情況下是有用. 但我覺得, 一個稍有智商的人, 也會做得一樣好. 有沒有讀這些理論, 反而不重要.

公司在年初開例會時, 經理曾提示我們未來要加緊學習business knowledge, 又說未來一年會在內地怎樣怎樣拓展. 好明顯, 對我這種純IT背景的人是一個強烈警號. 少人讀Computer Science不是一件可悲的現象, 而是一個反映現實的自然現象. 有什麼動機? 有出路嗎? 反正都是要學會計/金融, 為什麼不早一點學?

:O 要睡了

上流社會的討論

今天看到這麼一篇文章, 真是精彩絕倫. 可以說的是, 真沒想過上流社會是這樣的生活, 真不可思議!

http://www.tianya.cn/New/PublicForum/Content.asp?flag=1&idWriter=0&Key=0&idArticle=248034&strItem=free

再看另一編
http://big5.xinhuanet.com/gate/big5/news.xinhuanet.com/fortune/2005-11/15/content_3789096.htm

今時今日咁的服務態度

自從我打guild wars後, 就發現和記寬頻出海奇慢. 一打pvp就"現哂形", 呆左係度, 活生生給人打死. Pve呢? 打兩三小時的elite mission就會在個多小時後(一半之後)斷線. 再加上前幾個月無啦啦上唔到網, 咁好的服務, 係時候要轉下.

於是我去年十月頭打電話去和記寬頻要求終止合約. "小姐, 你的約到下年一月才到期wor, 我地唔可以咁早同你終止合約架. 請你十二月再打來啦." 咁我問, 係咪十二月打來就得, 有咩手續. "係呀, 十二月打番來1222, 按@#$再按1就可以的了. 請問仲有冇野可以幫到你?" 喔, 冇啦, 唔該哂.

十二月時, 有人打來問我續唔續約, 我梗係唔續啦, 順手話要cut服務. "如果而家終止合約, 係需要填番份表格再郵寄俾我地. " 咁你fax張表俾我啦. "公司規定只可以郵寄表格. 而家咁多假期, 需要兩個星期的工作天先可以寄到. 你合約到一月尾, 但我地要一月頭至寄到, 你填完再寄番, 約二月中先可以中止" 而家先十二月, 二月中咁耐? 點解唔可以fax? 你地冇fax機? 冇email咩? "公司規定只可以郵寄" 你用咩來郵寄? 要兩星期咁耐? "公司規定, 最長時間要兩個星期的工作天內寄到, 一般不用兩星期時間" 你地外判左去印度? 兩星期可以寄到美國再寄番來都得啦. "公司規定..."

成個鸚鵡咁, 我有咩計. 唯有等兩星期.

期間, 又有一個電話打來問續約. 我唔制啦梗係.

今日, 話咁快, 兩星期早已過去, 但我又事忙, 忘記左打. 今日下午番緊工, 好緊張de 緊 UAT的bug時, 電話響到.

"請問係咪X小姐? 我係和記環球電訊打黎架..." 心諗, 打得來真好, 兩星期過左啦wor, 點知...

"你係我地的長期客戶, 請問黎緊係咪會繼續支持我地呢?"

頂!!! 當時真係冒名火起. 即時發火鬧: "我咪話左cut囉, 你地仲打來做乜??? 你地寄張表寄左兩星期都未寄到, 攪乜架... 外判左去火星都唔駛咁耐呀? 間咁大的上市公司, 連email fax都冇, ...."

佢見咁的樣唔對路, 即刻話自己係宣傳部, cut服務要打番去1222直線.

好! 火都黎埋, 我就同你打去熱線度cut

一接通熱線, 即刻講件事始末, 鬧和記點樣過份, 不如俾個回郵快郵信封拒, 又或者dhl, 反正咁平, 等拒有效率d. 佢見我咁嬲, 都唔駛30秒就forward我去終止服務部.

一接通電話, 都未講任何野, 我即問服務員的全名, 我再repeat多兩次, 以示我會確實記得她. 仲問埋拒直線, 不過拒話冇直線. 跟住我就講和記幾咁冇效率, 身為間電訊寬頻公司竟然連fax, email的服務都冇, 都算啦, 仲要寄兩星期寄到無左影.

"請問邊位同事同你講要兩星期呢? 我地只需要一星期工作天..." 之前條友玩我?

我於是話: "我等左你同事好耐啦wor, 咁有冇d快捷方便d的方法?" "有! 我可以即刻fax俾你. email都得". (>u<)""~~~~~~~~~~~~~~

番到屋企check mail, 果然收到. 問CS全名果然有效. 我今晚就填左張form, 聽朝去郵局寄掛號. 要知道, email同fax都有機會寄失, 我驚和記的職員一不小心收唔到, 咁就唔好啦!

梁靜茹 - 親親

宣傳時間!

親親好好聽喔!

輕輕的親親
緊緊閉著眼睛
是你不是你 說不定
還不一定
夢一樣輕的親親
不敢用力呼吸
不敢太貪心 太相信 我的幸運
百分之百是你

~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~
OT的日子

今日又OT啦~ 嗚~ 10小時45分鐘. 這是人的生活嗎?

自己真是笨蛋, 工作給人做, 自己便不用做啦, 但又不是懂得這道理. 但理想和現實總有那麼一點點的距離. 嗚嗚嗚~~

我是笨蛋嗎? baka desu!

在公司樓下的food court吃什麼呢? 我想吃烏冬. 但是那間小吃counter的幾個店員已經認得我了, 我有點怕叫每次都叫的鰻魚烏冬 -- 我怕那人說: 又是你呀? 你是貓嗎?

還好, 吃得飽飽的. 生活就是為了吃, 有飽飯吃都不錯喔!

深呼吸一下, 望望時鐘, 十時45分了~ 剛下火車, 很冷! 已經沒商店可以買好吃的麵包了, 只有七十一, 也只有小牛蛋, 說謊蛋糕和蛋卷可吃. 還好, 還有早餐吃.

收到一大堆賬單 -- 嗚~ 令我支出增加, 不想理.

回到家, 一放下袋開電腦, 登上我的RPG MSN messsenger -- guild wars. Missy NPC和我說hi. 還好, 還有npc應我.

十一時, 要打電話給紐約的同事問進度如何. 沒人聽 -- 太好了! 我也不想理公司的事. 留下口訊便收線.

看看myorc, 看看其他人的blog, 十一時五十二分.

呆左10分鐘

雪人放假了

公司樓下的商場food plaza, 有個好可愛的女雪人公仔. 每次路過, 都忍不住停步看看. 隨著2007年的來臨, 在她附近的男雪人消失了. 我知道她很快會放假 (定係被肢解?). 在她走之前, 影低她可愛的樣子 ^o^.

新年第一Post!

一月一日元旦, 休息! 梗係唔寫Blog啦.

~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~
番工

一月二日, 千萬個不願意, 但都要上班. 眼訓到死呀!!

一月一日Guild Wars入面有禮物帽派. 每三小時一次, 試問一日唔食唔訓有幾多個三小時? 識計數的話都知唔係8個, 係9個!!! 又要出街, 海底cable又慢的關係, 令我雖然用緊HKBN100mb極速, 但感覺尤如56k!!! 我有兩個a/c, 要各拿4頂帽, 共8頂!!! 即係話平均每次起碼拿一頂! 否則要9個小時有多先可以拿哂!!! 雖然已托人VNC去我部機幫我拿帽, 但都lag到飛起!!! 結果我係1月1日晚上11時迫入最busy的district, 死都唔走, 等到1月2日凌晨1時. 開住兩個window, 一次過拿5頂帽!!! 哈, 好crazy!!!

~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~
陳秋霞

今日睇東周刊的訪問, 我覺得拒好靚! 個笑容靚到呀~ 一d都唔似49歲. 近呢一排對年齡很敏感, 感覺自己很老, 就快變老姑婆. 見到有人可以大年紀都咁開心咁靚, 好似有番d安慰~~~ (但我冇人地咁嘆唔駛做喎....)

~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~ * ~ ~
新年大計

每到新的一年, 又會有d不切實際的幻想, 希望新的一年脫胎換骨, 最好變靚d, 又中六合彩, 下個月退休....

現實係殘酷的. 醒下啦!

舊年讀書果度, 學到一句野好正 -- Plan is nothing, planning is everything. 都係時候想下要有d咩目標.

今年最想的係唔想讀書住. <== 懶呀!

第二想的係拍拖 <== 冇人要呀但係!!!

第三想的係升職加薪 <== 好有難度呀!!!!!!

第四想的係學煮野食 <== 呢個簡直係"Impossible is nothing!!!!!!!!!"

第五想的係睇少d八卦雜誌同蘋果, 睇d專業的, 例如Time, Fortune, cnn, CCTV...

好快, 已經將年頭一兩日有的熱情無情地淋熄左, 因為實在太不可能了!!!