Back from UK

:> 終於番來啦~ 去左英國兩個幾星期, 一至五番工, 星期六日去玩, 之後去左倫敦幾日, 好充實丫 :)

我今次去UK training的地方叫Stirling, 位於蘇格蘭兩個大城市Edinburgh和Glasscow中間. Stirling昔日係軍事要塞, 發生過幾次蘇格蘭和英格蘭的大戰, 仲有個好出名的城堡添. 不過都係以前的事, 而家的Stirling係一個小鎮, 適合退休人仕居住 -- 即係放工後係冇野做囉!

第一日去到Stirling, 未有得俾我check-in, 於是放低行李周圍行. 由於實在冇野行, 所以去左Stirling Castle. 呢個城堡住過好出名的Queen Mary, 好有紀念價值架. 可惜入面好似古墓咁, 爛到咩咁...俾港幣百幾蚊睇d咁的野....勁唔抵丫.

一星期後的weekend, 我去左Edinburgh, 睇Edinburgh castle -- 靚好多, 仲有權杖睇添丫! 跟住去左附近的"黑房", 可以利用太陽的自然光線睇到Edinburgh的全貌! Edinburgh真係一個好靚的城市, 周圍都係好靚好舊的建築物. 我去左睇museum同埋買左好多紀念品 ^O^

離開Edinburgh後, 我去左倫敦玩幾日, 屈蛇係中學同學屋企. 倫敦真係勁busy的一個地方. 周街都係唔同國籍, 唔同膚色的人, 有勁多遊客添. 第一個倫敦的景點竟然係百貨公司Harrods!!! :P 點都好, 我都去左遊客必到的地方 - 大英博物館, national gallery, 大笨鐘, 西敏寺走廊, 聖保祿大教堂等等.

P.S. 我發覺普通話真係一個國際語言. 我今次旅程認識左一個美國大學生, 拒用流利的普通話同我對話, 我覺得拒的發音比我準!!!

馬戲團大象-訓練與悲劇

http://www.youtube.com/watch?v=NbAnCK5TkNk

Shino

今天幾乎每張報紙的頭條都是林曉培醉酒撞車撞死人事件. 我今早看見報導也嚇了一跳! 我曾經兩年好鍾意聽林曉培的歌, 非常喜歡她的煩, music all night, 心動, 緩慢(beyond的冷雨夜). 她的Live演出令人難忘. 還記得她來香港會展開演唱會, 全程兩小時所有人都站在觀眾席椅子上大唱大叫, 沒有人願意坐起來(除非想看不到台上), 非常有演唱會live的感覺.

唉! 她的演藝之路真不易走, 希望死者安息, shino也平安度過.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ *
前一陣子報紙說古巨基的新歌"錢錢錢錢"涉抄襲Queen的Bohemian's Rhapsody. 我不是Queen的fans, 但呢首歌咁出名, 中學讀書時已經聽過, 淨係o係我個oldies folder都有3個version的mp3. 好心雷頌德抄都抄 d冇咁出名架啦, 佢有冇腦架? 可憐古巨基, 俾佢咁樣拖落水, 陰功!

唔知點解呢單野令我想起好多年前李克勤首櫻花. 當年李克勤以唱作人身份橫掃多個獎項. 但其後有人爆料首歌係抄自泰國樂隊首大hit的歌. 我聽過mp3, 兩個首歌的chorus部分係一模一樣, 感覺係"重新填詞"!!! 又係個句 --- 點解抄野唔可以抄遠d呢? 抄人地大hit的歌? 仲要咁近?