又見醫生啦

好慘! 呢期都唔知做乜, 成日病要睇醫生..... 真係要作下福.

今次衰腸胃炎囉.....唉! 又係佢. 咁就冇左百六啦.....嗚~

醫生: 一陣我開d止嘔藥俾你, 飯前食
牛: 我今朝食完你上次d止嘔藥, 跟住猛咁嘔
醫生: 咦? 咁要試下打針啦!
牛: 下? 唔駛卦
醫生: 得兩隻方法o者, 唔係打針就食藥. 食藥唔得要試下架啦
牛: 咁係咪打左針唔駛嘔?
醫生: 希望啦. 再嘔就急症室見架啦
牛: -_-" 打針好!!! 聽日仲要番工架

其實, 我係食完佢d止嘔藥之後係嘔左5次....... 唔單止佢d止嘔藥唔惦. 我食過幾個醫生的止嘔藥, 一樣係咁嘔......

一陣間只可以食白粥咋....... 都係死人太和大家樂累ge~ 我阿媽打電話去投訴佢的肉x意粉有問題. 本來我都覺得太誇, 諗落, 阿媽做得好好, 等佢地monitor下d食物衛生, 少d人幫襯醫生, 醫生佢好忙架啦~

嗚~ 仲肚痛緊, 唔打字啦.