超級懶人鬧鐘

我好想買!!!!

(Extracted from Apple Daily 14 Mar 2006)

日 創 意 鬧 鐘 見 光 才 收 聲

鬧 鐘 是 生 活 必 需 品 ， 如 果 忘 了 校 鬧 鐘 ， 返 工 返 學 就 很 有 可 能 遲 大 到 ， 但 一 般 鬧 鐘 不 是 太 細 聲 ， 就 是 太 易 按 熄 … … 為 了 打 救 爛 一 族 ， 日 本 就 研 製 了 一 批 創 意 鬧 鐘 ， 有 的 震 耳 欲 聾 ， 要 起 床 開 燈 才 可 關 掉 ， 有 的 附 有 強 力 震 動 器 ， 放 在 枕 頭 下 包 保 震 個 「 精 神 爽 利 」 。

迫 人 起 床 開 燈 拉 窗 簾
第 一 款 創 意 鬧 鐘 附 有 光 源 感 應 器 ， 除 了 光 線 外 ， 拳 打 腳 踢也 不 能 關 掉 它 的 聲 響 ， 只 能 乖 乖 起 床 打 開 窗 簾 或 開 燈 ， 準 時 返 工 返 學 去 。 神 奈 川 縣主 婦 古 泉 圭 子 就 讚 不 絕 口 ： 「 我 很 多 時 會 在 半 醒 間 關 掉 鬧 鐘 再 倒 頭 大 睡 ， 有 了 這 鬧鐘 就 非 起 床 不 可 了 。 」
第 二 款 更 厲 害 ， 附 超 強 震 動 裝 置 。 這 鬧 鐘 意 念 來 自 美國 ， 原 本 為 失 聰 或 聽 覺 有 問 題 人 士 設 計 ， 但 功 效 一 流 ， 旋 即 受 上 學 上 班 族 熱 捧 。 最後 一 種 威 力 稍 遜 ， 但 絕 對 溫 柔 體 貼 ， 在 響 鬧 時 間 前 三 十 分 鐘 ， 鬧 鐘 開 始 放 出 微 弱 燈光 ， 至 最 後 十 分 鐘 燈 光 會 再 亮 些 ， 如 果 還 賴 床 ， 就 會 出 撒 手 ─ ─ 播 出 悅 耳 的 鳥 叫 蟲 鳴 ， 讓 人 舒 服 起 床 。 　 東 森 新 聞 報

Intelligence!?

Naturally Smart You're a naturally smart person. Your intelligence comes to you naturally, rather than from instruction - and you are better with applied or more real-world things... which comes in handy, here in the real world. 40% applied intelligence 40% natural intelligence

Take this quiz at QuizGalaxy.com

Happy Corner to you!

Copied from www.y00.org

You scored as Mathematics. You should be a Math major! Like Pythagoras, you are analytical, rational, and when are always ready to tackle the problem head-on! Mathematics 83% Chemistry 67% Philosophy 67% Engineering 67% Linguistics 67% Biology 58% Psychology 58% Art 50% Theater 50% Sociology 50% Dance 50% Anthropology 42% English 42% Journalism 33% What is your Perfect Major? (PLEASE RATE ME!!<3) created with QuizFarm.com

情人節

每年一到呢個日子就好尷尬. 冇情人, 冇人約, 一個人咁..... >_< 快d到十二點就好了, 可以回復正常... >_<

母牛和小牛

尋日和同事去北潭涌BBQ, 途中偶見一頭母牛和小牛. 小牛好可愛 (兩隻都係! :P ) , 緊緊跟隨母牛在行人路上行走. 當時我的腦海就覺得d牛好慘, 竟然要被迫係行人路行.... 第二個畫面諗到就係一隻牛被殺之前係度喊. 因為我bbq嘛, 都唔知殺幾多動物... 真係好可憐... :<

Guild Wars

最近一個月我多左打機, 係一隻online game叫Guild Wars. 呢隻game我舊年年中買架, 當時kenny哥哥有時仲係度教我玩, 我個時十幾level的warrior, 淨係識衝埋去用把劍殺呀! 仲覺得佢好叻添, 點解可以咁快殺到咁多人, 好似真係識魔法咁...... 而家? 佢仲係十幾level囉! 哈哈, 俾我勁恥笑

我參加左個香港人的guild, 即係類似team咁啦, 可以容易d組隊去打怪物. Guild入面d人好友善, 但好變態. 有d就攪基, 有d就自虐, 總之好變態. (註: "自虐"係其中一個attack skill)

隻game三月會出新版, 有冇人會同我一齊玩呀???

情書

哈哈, 大家見到呢個標題係咪以為我有情書收? 我都想!!! 唔係! 而係好想重看呢套電影. 呢套戲相信冇乜廿幾歲或以上的香港人未睇過, 我係電視睇過一次, 但感覺普通.

雖然感覺普通, 但原來呢套戲在我腦海有很深的印象, 就象菲林一樣, 一張張的印在腦海, 如畫一樣. 過左咁多年, 但劇情仍然很深印象, 例如女主角向男主角葬身的雪山大喊"你--好--嗎? 我--很--好!" 好正呀真係!

最近我經常想買番呢套戲. 初時諗住咁出名, 實有大把dvd賣啦. 但原來幾難搵!!! 大埔, 尖沙咀, 旺角, hmv都搵過, 全部冇!!! 連vcd都冇!!!! 淨係yesasia和hmv網上版有得買. 睇hmv網頁先知呢兩三日會出新版dvd, 我等緊呀!!!

睇左呢個網頁先知點解情書咁吸引, 原來個storyline係來自《挪威的森林》, 唔怪得啦!!!
http://www.readingtimes.com.tw/authors/murakami/reports/report019.htm

駛唔駛考架?

今日上麗雲姐的data mining堂, 因為有d數學公式, 一時間較難吸收, 有同學問考試會否出數學公式. 一問大家即哄堂大笑. 麗雲姐語重心長告誡我們, 不要為考試, 不要背公式, 背即係唔明, 唔明即係冇學過, 大家學的數學出來社會好少會用, 但可以train到大家的抽象思維. 果一刻我覺得好o岩, 而且亦覺得上佢的堂唔係咁悶. 而且當時我仲有一個特別的感覺, 覺得好似再讀一次大學, 應該話, 而家先係讀緊大學, 以前undergrad果陣仲係中學.

要訓了, 好眼訓.

太大聲嚇死動物

我都要注意電視機音量, 否則鼠鼠好容易嚇壞.

Extracted from Apple Daily (2006/02/05)

---

北 京 鞭 炮 響 不 停 嚇 死 寵 物 兔

北 京 巿 今 年 撤 銷 實 施 長 達 十 三 年 的 煙 花 爆 竹 禁 放 令 ， 批 准 巿 民 在 限 定 地 點 燃 放 煙 火鞭 炮 ， 雖 然 未 造 成 人 員 重 大 傷 亡 ， 但 一 隻 寵 物 兔 日 前 卻 因 受 爆 竹 驚 嚇 猝 死 ， 多 隻 寵物 狗 也 因 外 出 時 受 到 驚 嚇 而 需 接 受 治 療 。
北京 望 康 動 物 醫 院 院 長 王 永 偉 表 示 ， 春 節 開 始 迄 今 該 院 已 接 診 了 十 宗 寵 物 受 爆 竹 驚 嚇的 病 例 ， 當 中 主 要 是 犬 隻 ， 其 中 一 隻 兔 子 死 亡 。 「 當 時 家 人 正 在 看 電 視 ， 小 兔 子 在吃 菜 ， 這 時 幾 個 禮 花 彈 在 窗 戶 附 近 爆 裂 發 出 劇 響 ， 兔 子 受 驚 嚇 後 跳 起 來 落 地 後 就 不行 了 。 」
北 京 《 競 報 》

---

咬人的倉鼠

post舊野

好耐冇post過diary添, 上個post仲未考試, 而家已經派埋成績添. 咁耐冇寫, 理由係掛住打機, 加上番工番學, 冇時間剩.

呢輪發生左好多事. 首先係健康情況. 前一陣子我幾個星期胸口好痛, 左邊近心臟的位置. 有一天起床後痛足十分鐘. 因為我好驚, 於是去左睇醫生. 醫生話我咁驚去醫院check囉, 結果去左睇急症. 又照心電圖, 又照X-ray, 醫生話我乜事都冇, 仲笑話邊有可能咁後生又唔係肥(^_____^)就心胶痛喎, 話我係骨膜炎. 我問佢係乜東東, 佢只係話肌肉發炎, 但配出來的藥係胃藥!

又係胃問題 -_- 食藥定時吃飯, 過幾日後冇事了.

跟住唔夠一星期, 有一日超凍, 十一二度, 我著羽絨搭火車往外婆家. 因為件衫好大, 我費事拿著, 所以一直著住羽絨, 覺得有點熱, 面紅卜卜. 當車駛進大圍往九龍塘中間的隧道, 我突然呼吸困難, 好暈, 標哂冷汗, 好想嘔, 眼前一黑乜都睇唔到, 聽野都有困難, 好想坐低. 當時我覺得好恐佈, 我係咁忍住, 想九龍塘站跑落車求救. 但係因為我睇唔到野, 所以分唔到方向, 行唔到出去, miss左落車. 跟住我突然諗到會唔會係熱得滯? 即刻除衫, 過左十幾秒我開始有番視力, 係旺角跑左落車, 即刻嘔, 然後休息一陣, 終於冇事.

當日我睇新聞, 有人焗桑拿死左. 我終於明白點解, 原來焗住真係好大鑊.......當時真係乜都睇唔到, 好似盲左咁. 好彩當時成車都係人, 萬一有事暈低應該有人會救到我. 我個日再唔敢係室內著羽絨, 個件野90%鵝毛, 真係好堅, 熱到我死.

煲劇

我近期患有"考試侯群症"(exam syndrome). 簡單d來說, 患者在考試前會死都唔讀書, 做一大堆幾年都唔做一次的事.

中學時期我的病情比較輕, 中三至中六主要都係翻睇Pride & Prejudice, 間中睇埋Pride & Prejudice DVD.

而家就...真係好恐佈. 呢個月我煲左2套韓劇, 而家煲緊第3套, 仲買埋兩隻CD. 我整整一年冇睇韓劇, 冇去yesasia買碟架....

好恐佈. ~_~""

事緣上星期放學經過HMV, 見到有韓劇"秘密"DVD賣, 只係$169, 真係超值!!! 呢套野我曾經係有線睇過一兩集, 大約知講乜, 男女主角又靚, 完全係under-rate, 有咩理由賣$169咁抵.

咁就買左, 即日用11個鐘睇哂9隻DVD. 冇錯, 為左劇情更緊湊, d婆媽喊到九彩的場面俾我用32倍速飛哂, 所以只係用11個鐘睇18hours.

真係好恐佈.

跟住睇"愛上女主播". 呢套野我一般喜歡, 好的係劇情好, 綠葉好, 差的係男女配角演技惡劣. 又係囉, 飛哂d唔等駛的部分.

跟住而家睇緊守"守護天使", "秘密"個男主角Kim Min Jong做架. 睇左1/4, 因為要温書嘛.

不過其實我都有温書ge, 所有notes都睇過一次, 重要的睇左兩次, 本書都睇左60%. 不過d功課總係唔識做, 要諗好耐, 都唔知點解.

講番先, 個男主角Kim Min Jong真係超有charisma. 佢係d令人一見難忘的藝人, 比起BYJ(裴勇俊)好好多. Kim Min Jong唱歌都幾ok喎, 我係屋企搵番兩年前買的一隻雜錦碟發覺佢唱歌唔錯, 於是落order買兩隻碟. Yesasia效率真係高到恐佈, 我已經收到status=shipping的email.

唉, 點解都唔乖乖地去温書, 唉....

綠色的信封

又係星期五! 超有holiday mood呀. 哈哈! 基本上由今朝到放工都超有holiday mood囉, 哈哈!

講番正題. 今日放工check信箱見到綠色的信封, 大家估唔估到我的反應? 我當時係超開心囉! 「嘩」一聲咁大叫, 然後hehe haha咁大笑, 跟住講左一句「太好了!」 實在不難相信, 當時任何人見到我咁的樣都以為我中左廿蚊六合彩.

其實, 個封只係報稅表, 唔係稅單. 我係未報稅的. 我諗都冇乜邊個同我同屆畢業的, 又唔係失業的, 仲未報稅.

我有張宣明會免稅單架嘛, 諗住大排用場, 等左半年都未有得報稅, 真可惡.

你話幾低B, 我公司冇幫我報稅! 和我同屆的同事幾個月前一早報哂稅, 係得番我一個未有報稅表, 我又拖下拖下冇理. 兩個星期前我咪打去稅務局問囉.

CS: 稅務局xx部, 我姓黃的, ....
牛: (打左個突, 因為佢唔似一個專業的CS, 我有冇打錯電話?) 你好呀, 我想check下點解我仲未收到報稅表. 同我同屆的同事已經收到稅單啦.
CS: 你係咪o岩o岩今年畢業?
牛: 唔係呀, 我03年畢業架
CS: 你年度入息夠唔夠xxxxx呀?
牛: (唉, 講起我的傷心事) 夠呀, 我年度入息大約######呀
CS: 咦? 請問你身份証號碼
(我講完身份証後等了良久.....)
CS: 請問多一次你的身份証號碼
牛: 下? 又問? (於是我又重覆講一次)
CS: 我地冇你的紀錄喎
牛: 下? 咁即係點? 點解會咁?
CS: 或者你公司未幫你報呢
牛: 唔係卦..... 我公司冇幫我報!?!?!??!?!?!?!? 攪錯呀...... 咁我而家應該點做? 我公司有俾張form我 for我報稅架
CS: 你可以fax來稅局, 或者fax埋你公司俾你張form來作為補充資料


咁就等左我兩個星期..... -____-" 大家明白我的喜悅嗎? 哈哈!!! 我當時心入面諗: 嘩! 佢地真係有收到我張fax架原來! 哈! ~_~"

不過好快我就灰左, 份野好似好鬼難填咁

叫綿花糖的火雞

今朝睇新聞今年美國白宮的兩隻第一火雞分別叫「綿花糖」(Marshmallow)同埋「蕃薯」(Yam). 好攪笑呀!!!

有乜咁好笑? 除左個名攪笑之外, 我仲諗番起一套喜劇, 叫"年年有今日". 該戲講述一個雷電交加的晚上, 素未謀面的一對男女(梁家輝和袁詠儀)因為天氣惡劣而找渡假屋留宿, 但因房間爆滿而孤男寡女共處一室, 最終出左事. 當然他們有後悔啦, 出到市區互不聯絡. 但每年同一天他們都會回到渡假屋偷情, "紀念"這特別的日子. 整套劇就是講他們每年見面的情況. 其中有一年, 梁家輝唔知係邊度買左隻火雞來慶祝. 但陰差陽錯下, 梁的頭插入了火雞的內部而拔不出來! 就係咁火雞頭的梁家輝係間屋度走來走去, 異常攪笑.

公屋冇水冇電住三年

今日放工搭火車時睇到一則新聞, 講述一對老人家三年來不用水, 不用電, 甚至cut埋煤氣, 於是房署收番佢地間屋. 房署嚴陣以待, 派出十二人, 再加警察數名, 衝入屋趕阿婆走. 阿婆誓死反抗, 高呼無理, 喊打喊殺, 記者們的閃光燈閃過不停, 阿婆感到不適, 戴著口罩然後送院. 阿公執拾細軟去申請中轉屋, 但呢段時間又有屋住.

以下純綷個人意見. 老實講我唔係好信阿婆講的野. 真係誇, 最緊要果三樣utility都冇用 -- 水電煤. 煤唔用就唔出奇, 我都用好少啦. 唔用水唔用電三年喎. 水錶就話有mechanical的設計問題, 可以"慢慢滴"唔跳錶, 加上有free allowance o者. 電錶冇得"慢慢流", 流慢d卦.... 三年都唔用水電, 唔好話2005年, 三十年前都唔得啦....... 真係深山大野人咩. 我就真係唔係好信佢住係果度.

我覺得近年的老人家愈來愈厲害. 上訴領匯, 告房委會租金超過入息中位數, 掉垃圾落街扣滿分俾人收屋, 唔用水電煤但住係間屋. "老人家喎! 點可以收佢地間屋架!" 我覺得d弱者係度濫用緊社會的同情心囉, 唔羞恥架咩? 弱者濫用或利用社會的同情心, 就唔值得同情!

但同時今日我又睇到報紙頭條, 原來香港有好多拾荒兒童. 因為家境問題, 而要拾荒, 人工才不過每小時$2.5 . 有一個小朋友才六歲, 已有一年拾荒經驗. 當時我感到很心酸. 兩個半? 我一擲$20買雜誌時, 何曾想過別人要拾荒8小時? 當我贊助遠至我都唔知佢住邊的印尼兒童讀書時, 原來香港有些兒童好不了多少. 叫他們拾荒的家長有冇想過他們的子女長大後的自我形象會幾低? 點解佢地連去秋季旅行都要儲錢一個月?

我開始覺得社會的資源真的太浪費了. 點解可以浪費咁多納稅人的錢, 俾盧少蘭上訴, 和一班議員唱戲, 做出一場一開始就知結局的戲, 但唔可以認真處理隔代貧窮?

同一時間我又係度諗, 細個我爸爸掉低家庭, 不單止向媽媽借錢, 還時不時回家打爛家具. 媽媽在別人睡覺時上班, 別人上班時睡覺, 才賺三四千元. 我還要哮喘發作, 連續看半年診所醫生. 真係窮到冇錢開飯. 但係媽媽從來冇拿綜援, 冇叫我拾荒, 淨係叫我讀好書. 我當然有個好媽媽, 但那個帶女兒拾荒一年的單親媽媽在想什麼呢?

真音樂

http://www.rthk.org.hk/classicschannel/main_radio_cultureedu.htm

今日無意中聽左兩小時無意中今日聽左兩個多時候的舊radio節目"真音樂". 節目中主持訪問多位作詞作曲歌手等等音樂人, 尤其霑叔的部分, 真的非常精彩.

投票制度唔公平!

今日星期二, 夜晚又要番學, 其實都幾累, 不過番學真係好開心. 今日上課講 Voting Protocol, 講幾個公平的條件, 然後逐一protocol去討論. 發覺原來無論一人一票, 淘汰制, 計分制, 多循環等等全部都唔"公平". 最攪笑係, 有理論証明冇protocol係絕對公平. 今日上完堂, 我亦深深同意香港立法會用的比例代表制真的算是最公平的了.

最近睇捷克作家Milan Kundera的《不能承受生命之輕》, 書中主角重覆又重覆地想著幾句文字:

• "Es Muss Sein!" (非如此不可!) ;
  
• "Einmal ist keinma" (只發生過一次的事等於沒有發生過);
  
• "這個世界賴以力足的基本點, 是回歸的不存在"
  
• "隱喻是危險的, 一個隱喻播下愛的種子"
  

每次看到這幾句, 尤其是第三句的輪迴論, 都令我很震撼. 由於中左毒的關係, 今日上堂Professor Leung係度講: "假設呢個投票機制係一次性的, 事先不能知道結果, 永遠不能再來一次改變結果, ...." 我就不期然想起"Einmal ist keinma". (真係中左毒)

---
尋日放工路過家樓下的7-11. 當時已經是晚上九時多, 但竟然有好多報紙剩下!!! 可想而知報業的慘況. 我買了信報 -- 那是當時唯一我想看的報紙. 廿幾年來我只看了幾次信報, 連信報是財經報章都唔知, 但唔知點解當時我很想看. 由於是財經報紙, 裡面盡是政界, 財經評論等新聞, 但出奇地好看! 任何事情都是相對的, 咁即係平時睇的報紙幾冇內容...

其中有一篇評論國內的企業不應著重銷售數字, 而應著重提高利潤. 它用了一個比喻, "聽說同行的報紙竟有一斤重!" 作者於是奇怪正常的讀者怎麼可以有每日最少花兩小時去消化一斤重的報導? 作者認為好的報紙應力求精簡, 不應割價求售. 要看這種大件夾抵食的報紙, 或者免費報紙的, 都是貪便宜一族(我! 仲要埋紙巾添). 國內企業能不能做到提升一層, 就很視乎國內人民的"質素"了.

---
上星期看Time一篇訪問Steve Jobs的報導, 講述為何Apple堅持主導整個生產工序, 非常精彩! 又一次証明只顧降低成本未必有好處!

Il Divo

前兩日放學後去HMV試聽和買CD, HMV的碟相比以前動輒百二蚊平好多! 今次買的係叫Il Divo的樂隊. 怎麼說呢, 又係一隊商業計算的組合. 四個來自不同國家 瑞士, 西班牙, 美國, 法國的年青人, 用聲樂來翻唱十幾首耳熟能詳的歌曲.

又精選? 咁有啥特別呀? 冇架, 西班牙文算唔算?

原來《生命不可承受之輕》有電影版架! 睇casting個list女主角係出名演員, 應該會幾好看. 本書睇左一半有多, 好好睇!!!! 繼《海邊的卡夫卡》後又一小說令我非追看不可. 呢個作家Milan Kundera真係好厲害!

今日工聯會有人打來, 初時仲諗, 呢輪冇投票, 無啦啦打來, 應該唔會追交會費卦? 原來係提醒我今個星期要番學日文中班. 真係灰, 佢唔講我都忘記左星期日有堂要上. 都走左咁多堂, 唔爭在啦!

唉, 近來生活真可憐. 除了工作壓力大了之外, 還有家裡的東西破舊不堪. 天呀! 快d俾我中六合彩啦!!!! 我好等錢駛. 屋企的電視機真可愛, 一時塊面通紅, 一時又面青青, 好明顯個cathode ray tube燒壞了, 睇怕都挨唔到半個月. 跟住厠所沖廁制又壞左, 我冇得沖廁呀!!!

我最怕就係呢d. 獨居的好處就係冇人管, 好自由! 想幾時玩幾時訓都冇人理. 壞處就是生活所有事都要自己理. 無論是補衫, 改褲腳, 買日用品, 交雜費, 洗衫, 廁所壞左, 乜都要理. 好煩~

快d俾我中獎啦

Nash Equilibrium

:) 今日上課教左game theory的皮毛, 很有趣! 忍唔住睇下wiki.