從地獄回到人間

今日心情好好, 忍唔住寫blog. ^O^" 因乜事咁開心? 嘻! 近幾個月因為公司有個system極唔stable, 日日最少reboot一次server, 而且情況每況愈下. 就係拒, 令我工作極唔順利. 明明攪5分鐘的task, 要2個鐘, 仲要係夜晚6點後的兩個鐘, 無端端OT. 開會時俾users話, 自己仲要為呢個垃圾server護航, 只怪我面皮愈來愈厚, 心情也愈變沉重...

終於...

今日從地獄又折返人間啦!!! 為左慶祝呢個重生, 今日七點鐘就放工啦, 好開心! ^O^

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~

今日知道同我做野的student placement 6月就bye bye啦, 一年咁快就過. 好唔捨得拒丫, 因為拒實在太幫得手啦! 今日老細叫我一齊去interview一個新的student placement. 嘩~ 靚女一名, 又smart又active又presentable. 我終於明白點解港大始終係僱主心目中的第一位, 真係勁~ 如無意外, 拒會六月番工. 我的(男)同事們聽到有個靚女番工好開心, 仲話要執靚自己.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~

放工時心情勁靚, 一路睇住本圖書館借的介紹London的書. 好在本書只係借, 淨係得字冇圖, 睇到我訓著. 雖然唔到一個月就到UK, 但係家下仲係乜plan都未有, 都唔知點.

我咁大個人都未試過一個人去travel, 仲要去咁遠兩星期幾. 我仲係心大心細, 未諗到買唔買lonely planet london本書.

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~

放工唔知食乜, 入大昌買蒙牛紙包奶+晚餐. 見到一pack16包只係49.9, 好似好抵. 心裡頭隨即盤算, 49.9 / 16 = ??? 平時買開21.9/6包, 咁究竟係邊個抵d呢? 呆左3分鐘都計唔到49.9/16, 我唯有放棄. 你話, 讀pure maths來把鬼! 同埋...正奸商! 仲咩要16包, 10包咪好囉! 16...點除wor.

排隊俾錢時, 有個天真瀾漫的小妹妹走來走去, 拒媽媽叫住拒, 但拒死都唔肯排隊, 大叫: 「我要打尖!!!」 哈!! 突然想起前幾年我會無端端向人耍賴: 「我要打劫!!」

* ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~ * ~