好忙呀

好耐冇寫diary了. 上次寫的時候又係呢句, 再上次寫都係呢句... ~_~"""

呢輪身體唔太好, 咳左一個月了. 最初是發燒感冒, 發冷又無胃口, 基本上完全不似人形. 一個星期後好番, 點知就開始咳, 一咳就是一個月了. 情況一直有好轉, 但已經轉化為敏感咳, 非常難斷尾. 每日夜晚八九點開始就不停地咳, 咳到十二點一點. 總要咳到無氣無力才"收聲". 我試過夜晚十點便睡覺, 但結果都是咳聲. 上星期六晚咳到凌晨四點, 跟著星期日便一隻牛形熊貓咁. ;( 經理send了一封warning email俾我, remind我準時番工, 我好無奈. 每晚十點就訓, 但要咳醒, 攪到無精神, 可以點? 但唔通同經理講我咳咩 (都唔駛講啦)..... 但轉頭諗, 咳大哂咩. 人地俾錢請我番工, 唔係請個病人.... 又唔係第一日病, 有咩籍口? 自己都講唔出口啦! 唯有挨眼訓啦.

好慘呀, 日頭又冇乜野, 起碼可以話係咳少d, 但一到夜晚八九點開始就發作, 睇醫生佢好似唔多理我呢個病徵咁...肺又照埋. 唉, 都唔知點.

呢輪工作上又忙了很多, 有時要加班, 工作堆積一天又一天. 不過感覺都幾愉快, 比幾個月前的我感覺多了衝勁. 之前擔憂自己的英文太差, 現在都習慣了, 可能是聽多了, 沒有那麼"緊張", 反而可以更自然. 幸運的是, 人事上沒有什麼問題. 比起舊公司的boss, 現在的經理很有責任感, 不會"瀉"(點寫呀?)膊, 什麼都可以一起討論解決. 我亦感到自己較以前independent. 我記得初入公司第一次開會, 我覺得我所有的同事都非常厲害, 可以很有條理地交待各自的工作, 而且每人都可以非常獨立地處理一件事, 一點都不用旁人費心. 現在我覺得我也有進步, 應該不久可以更加獨立呀 ;)

唔寫啦, 都係早d訓啦, 唉.